काठमाडों । आज शेयर बजार नेप्से परिसूचक १ दशमलव ९४ अंकले बढेको छ । कारोबार रकम भने घटेको छ । अघिल्लो दिन घटेको सेयर बजारमा ७ अर्ब बढीको कारोबार भएकोमा आज ६ अर्ब ५ करोड रुपैयाँको कारोबार भएको हो ।२ सय १३ वटा कम्पनी कारोबारमा आएकोमा सबैभन्दा धेरै एनसीसी बैंकको २३ करोड ९ लाख रुपैयाँको शेयर कारोबार भएको छ । आज कम्पनीको शेयर मुल्य १ दशमलव ३८ प्रतिशतले बढेर ३ सय ६८ रुपैयाँमा कायम भएको छ ।

त्यस्तै, अरुण कावेली पावरको २१ करोड ८३ लाख रुपैयाँको शेयर करोबार भएको छ । ग्रामिण विकास लघुवित्तको १६ करोड ८९ लाख रुपैयाँको शेयर कारोबार भएको छ । निफ्राको १६ करोड ४८ लाख रुपैयाँको शेयर कारोबार भएको छ । अपि पावरको १४ करोड ६७ लाख रुपैयाँको शेयर कारोबार भएको छ । त्यसरी नै समता र महिला लघुवित्तले भने सकरात्मक सर्किट हानेका छन् ।

कर्पाेरेट बजार

प्रकाशित समय : ०९:३२ बजे