काठमाडौं । आज फागुन २६ गते मंगलबार सेयर बजारमा दोहोरो अंकले गिरावट आएको छ । उक्त दिन बजार ३२.०८ अंकले घटेर २८४३.३५ को विन्दुमा कायम भएको हो ।

उक्त दिन विभिन्न ३२९ कम्पनीको ५ करोड २७ लाख ११ हजार ३५३ कित्ता शेयर किनबेच हुँदा २१ अर्ब ५० करोड २० लाख ३१ हजार रुपैयाँको कारोबार भएको छ । सेयर बजारमा गिरावट आउँदा १० उपसूचक राताम्मै भएको छ ।

उक्त दिन ङादी ग्रुप पावरको सेयर सर्वाधिक कारोबार भएको छ । आज कम्पनीको १ अर्ब ९ करोड ३५ लाख ५५ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको आँखुखोला जलविद्युत कम्पनीको ६९ करोड ६४ लाख ३८ हजार रुपैयाँ बराबरको सेयर खरिद बिक्री भएको छ ।

त्यस्तै उक्त दिन अपी पावर कम्पनीको ६१ करोड ६८ लाख ४७ हजार रुपैंया, रिडी पावर कम्पनीको ५९ करोड ८७ लाख ४२ हजार रुपैयाँ, शिभम् सिमेन्टको ४८ करोड ६० हजार रुपैयाँको कारोबार भएको हो ।