काठमाडौं । सेयर बजार लगातार छैटौं दिन पनि घटेको छ । गत साताको अन्तिम कारोबार दिनदेखि नै लगातार घटेको छ।

आज (बुधवार) पनि बजार २२.७३ अंकले घटेको हो। उक्त दिन बजार परिसूचक २ हजार ६१० अंकको बिन्दुमा पुगेर बन्द भएको छ ।

आज फाइनान्स समूह १४.२७ अंक, निर्जीवन बीमा ३.८० अंक र व्यापार समूह ६.२२ अंकले वृद्धि भएको छ । यी बाहेकका अन्य समूहहरु राताम्य बनेका छन्।

बजारसँगै कारोबार रकम पनि निरन्तर घटेको छ । आज ६ अर्ब ८६करोड ११ लाख रुपैयाँ बराबरको सेयर खरिदबिक्री भएको छ ।