काठमाडौं । बलेफी हाइड्रोपावर कम्पनी लिमिटेडको आईपीओ बाँडफाँट सम्पन्न भएको छ ।

कम्पनीको आईपीओ निष्काशन तथा बिक्री प्रबन्धक ग्लोबल आईएमई क्यापिटलका अनुसार आज (मंगलबार) ग्लोबल आइएमई क्यापिटल लक्ष्मण बाबु भवन नक्साल काठमाडौंमा बाँडफाँट सम्पन्न गरिएको हो ।

कम्पनीको आईपीओमा २१ लाख ७१ हजार ७४० जना आवेदकको २ करोड ४४ लाख ७१० कित्ताका लागि आवेदन परेकोमा २१ लाख ६८ हजार १ सय जना आवेदकले २ करोड ४३ लाख ५८ हजार ५१० कित्ता मात्रै भेरिफाई भएको क्यापिटलले जनाएको छ ।

३ हजार ६४० जनाको आवेदन रद्द भएको छ ।

आईपीओको लक्की नम्बर ९ र ५ छनोट भएको छ ।

कम्पनीको आईपीओमा मागभन्दा बढी आवेदन परेकाले गोलाप्रथा विधिबाट १० कित्ताका दरले बाँडफाँट गरिएको छ । १० कित्ताका दरले बाँडफाँट गर्दा कम्पनीको आईपीओ १ लाख ६६ हजार ३४५ जनाले मात्रै पाएका छन् ।

१० कित्ताका दरले बाँडफाँट गर्दा ३ कित्ता बाँकी रहन्छन् । बाँकी रहेका ३ कित्ता थप गरेर ३ जनालाई ११ कित्ताका दरले दिईएको छ । कम्पनीको आईपीओमा आवेदन दिएका लगानीकर्ता मध्ये बाँकी सबैको हात रित्तो भएको छ ।

कम्पनीले चैत १६ गते बुधबारदेखि चैत्र २१ गते सोमबारसम्म आईपीओ निष्काशन तथा बिक्री खुला गरेको थियो । कम्पनीले १८ करोड २७ लाख ९७ हजार रुपैयाँ बराबरको प्रतिशेयर १०० अंकितमूल्यका १८ लाख २७ हजार ९७० कित्ता साधारण शेयर निष्काशन गरेको थियो ।
जसमध्ये ४ प्रतिशत अर्थात ७३ हजार ११९ कित्ता शेयर कम्पनीका कर्मचारीहरुलाई, ५ प्रतिशत अर्थात ९१ हजार ३९८ कित्ता शेयर सामूहिक लगानी कोषहरुलाई र बाँकी १६ लाख ६३ हजार ४५३ कित्ता शेयर सर्वसाधारण लगानीकर्ताका लागि छुट्याईएको थियो ।

कम्पनीको आईपीओ बाँडफाँट सम्पन्न भईसकेकाले विभिन्न तरिकाले रिजल्ट हेर्न सकिन्छ ।
ग्लोबल आइएमई क्यापिटलको वेबसाइट https://www.globalimecapital.com/ipo-fpo-share-allotment-check,
सिडीएससीको मेरोशेयरको वेबसाइट https://meroshare.cdsc.com.np/#/login,
सिडीएसले आईपीओको लागि संचालन गरेको वेबसाइट https://iporesult.cdsc.com.np/ बाट र कम्पनीको वेबसाइट https://balephihydro.com/ बाट हेर्न सकिने छ ।

रिजल्ट हेर्न यहाँ क्लिक गर्नुहोस्।

https://www.globalimecapital.com/ipo-fpo-share-allotment-check

https://meroshare.cdsc.com.np/#/login

https://iporesult.cdsc.com.np/

Home 1