रौतहट ।  चिसो भनेकै कोकाकोला, पत्रकार भनेकै ऋषि धमला भन्या जस्तो इमेज बनाएका पत्रकार धमला अहिले राजनीतिमा होमिएका छन् । टेलिभिजन पत्रकारिता छाडेर सासंद बन्ने दौडमा रौतहट क्षेत्र नं ४ मा उमेदवारी दिएका उनी चर्चामा छन् । आम जनता पार्टीबाट मोबाइल चिन्ह लिएर भोट माग्न घरदैलो गरिरहेका उनका अनेक चटकीप्ुर्ण र हस्यौली भिडियो क्लिप्सहरुले यतिबेला हास्य टेलिभिजन कार्यक्रमहरुलाई माथ गरिरहेका छन् । धमलाकै कारण चर्चामा रहेको सो क्षेत्रमा यो निर्वाचनमा कडा प्रतिस्पर्धा हुने भएको छ । तर माहौल घण्टीको रहेको यो मौसममा स्थानीय युवाहरु भने रास्वपाका उमेदवार गणेश पौडेललाई जिताउन जोडतोडले लागिरहेका छन् ।

पौडेल सोही क्षेत्रका स्थानीय बासिन्दा हुन् र समाजसेवामा सक्रिय एक युवा नेता रूपमा परिचित छन् । समाजको नशा नशा र आत्मा छामेका धार्मिक ब्यक्तित्व गणेश पौडेल इमानदारिताका मानक रहेको बताइन्छ । हुन त अहिले ठुला ठुला भाषण, चटकबाजी बढी भाइरल भइरहेका छन् तर रौतहट क्षेत्र नं ४ बासीको आत्मामा पौडेल रहेको त्यहाँका पहाडी तथा मधेशी दुबै खालका युवाहरुले पौडेललाई बोकेकोबाट प्रष्ट हुन्छ ।

अन्य पार्टीहरुमा विभिन्न बुढापाकाहरुको बाहुल्यता रहेपनि रास्वपमा यसैपनि युवाहरुको वाहुल्यता छ । रौतहट ४ मा पनि पौडेलको पक्षमा युवाहरुको झुकाब देखिन्छ । त्यसमाथी त्यस क्षेत्रमा लामो समयदेखि शिक्षा, सहकारिता तथा सामाजिक क्षेत्रमा पौडेको योगदान छ । पौडेल हाल संकल्प बचत तथा ऋण सहकारी संस्थाका अध्यक्ष समेत हुन्। सो सहकारीलाई जिल्लाकै उत्कृष्ट सहकारीका रूपमा विकास गर्न उनले महत्वपूर्ण भूमिका निर्वाह गरेको बताइन्छ । पौडेलले खासगरी त्यस क्षेत्रमा गुणस्तरीय शिक्षा, स्वास्थ्य र गरिवी निवारण तथा असमानता न्युनिकरण जस्ता क्षेत्रमा आफुले काम गर्ने बताउने गरेका छन् ।

त्यसै क्षेत्रमा नेपाली काँगे्रसका देबी प्रसाद तिमल्सीना रास्वपाको बलियो प्रतिस्पर्धी बनेका छन् । यद्यपी उनी दुइ दुइ पटक चुनाब जितिसकेका जनतामा टेस्टेड प्रतिनिधि समेत हुन् । उनलाई यो पटक दोहोरिन गाह्रै पर्ने विश्लेषकहरु बताउँछन् । त्यसैगरी सो क्षेत्रमा माओवादी र एकिकृत समाजवादी मिलेर बनेको नेकपाको पनि दह्रो पक्कड रहेको बताइन्छ । सो पार्टीबाट अहिले पुराना नेता रामकुमार भटराइ छन् ।

भटराइले २०७० सालमा त्यस क्षेत्रमा एमालेबाट चुनाब जितेका थिए । यद्यपी यस अघिको चुनाबमा उनको पार्टीले पाएको मत अनुसार त्यस क्षेत्रमा अहिले पनि उनी बलिया प्रस्तिस्पर्धी मानिएका छन् । त्यसैगरी पुरानो र ठुलो मध्येको अर्को पार्टी नेकपा एमालेबाट त्यस क्षेत्रमा अहिले रामजी शाह उमेदवार छन् । चुनावी प्रतिस्पर्धामा उनी पनि दह्रो गरी लागिरहेको देखिन्छ । तराईका अन्य क्षेत्रिय पार्टीहरुबाट पनि उमेदवारी दिएका छन् ।

यो क्षेत्र पूर्व-पश्चिम राजमार्गमा पनि पर्ने भएकाले यसपटक रास्वपाले आफ्नो प्रभाव बढाउन सक्ने धेरैको आँकलन छ ।