काठमाडौँ । चीनले नेपाललाई तत्कालको लागि थप १० लाख डोज खोप दिने भएको छ । आज नेपालका राष्ट्रपति बिद्यादेवी भण्डारीले चिनियाँ राष्ट्रपति सी चिनफिनलाई टेलिफोनमार्फत कोभिडको लडाइमा सहयोग गर्न आग्रह गरेपपछि थप १० लाख डोज खोप अनुदान सहयोग दिने प्रतिबद्धता गरेका भएको हो ।

राष्ट्रपति विद्यादेवी भण्डारीसँग बुधबार भएको टेलिफोन संवादका दौरान चिनियाँ राष्ट्रपति सीले उक्त प्रतिबद्धता जनाएका हुन् । नेपालका लागि चिनियाँ राजदुत होउ यान्छीले ट्वीट गर्दै राष्ट्रपति सीले संवादका दौरान नेपाललाई अनुदान सहयोगअन्तर्गत १० लाख खोप दिने घोषणा गरेको जानकारी गराइन् ।

राष्ट्रपति भण्डारीले सीलाई नेपाललाई खोप आवश्यक परेको हुँदा नेपाललाई खोप खरिदको लागि सहजीकरण गर्नको अनुरोध गरेकी थिइन् ।

चीनले यसअघि नेपाललाई ८ लाख डोज खोप अनुदानमै दिएको थियो ।

२०७८ जेठ १२ गते प्रकाशित