प्रभु साहको प्रश्नः नेपालमा लोकतन्त्र छ कि दलतन्त्र ?
वि.सं.२०८२ वैशाख १० बुधवार
काठमाडौँ । आम जनता पार्टीका अध्यक्ष तथा पूर्वमन्त्री प्रभु साहले एमालेले लोकतन्त्र दिवस मनाउन लागेको देख्दा आश्चर्य लागेको टिप्पणी गरेका छन् ।
पूर्वमन्त्री साहले एमालेले बिहीबार लोकतन्त्र दिवसको अवसरमा आयोजना गर्ने ‘यूथ सेलिब्रेसन’ कार्यक्रम लक्षित यस्तो टिप्पणी गरेका हुन् ।
एमालेको युवा प्रदर्शनको अघिल्लो दिन पूर्वमन्त्री साहले फेसबुकमा आफ्नो धारणा सार्वजनिक गर्दै १० वर्षको अभ्यासले नेपालमा लोकतन्त्र नभएर लुटतन्त्र भएको कुरा पुष्टि भैसकेको दाबी गरे । नेताहरूले आफ्नो लुटतन्त्रलाई लोकतन्त्रको हौवा पिटिरहँदा लाजपनि लज्जित भएको साहको भनाइ छ । उनले भनेका छन्, ‘आज १० वर्षको अभ्यासले ‘नेपालमा लोकतन्त्र छ कि दलतन्त्र ?’ भन्ने विषय घामझैँ छर्लङ्ग भइसक्दापनि निर्लज्जहरूले आफ्नो लुटतन्त्रलाई लोकतन्त्रको हौवा पिटिरहँदा लाजपनि लज्जित भएको छ ।’ उनले लोकतन्त्र दिवसको अवसरमा सबैले दलतन्त्रविरुद्धको संघर्ष गर्न एकताबद्ध हुनुपर्नेमा पनि जोड दिएका छन् ।
प्रकाशित समय : १५:३० बजे
