बेइजिङ । चिनियाँ स्मार्टफोन निर्माता कम्पनी साओमीले पहिलो पटक फिल्प फोन लञ्च गरेको छ । कम्पनीले तत्कालै फोटो प्रिन्ट गर्नका लागि भनेर बोकेर हिँड्न मिल्ने प्रिन्टर पनि लञ्च गरेको हाे ।

मिक्स फिल्प नामक सो फोनको मूल्य ५ हजार ९९९ युआन (८२५ डलर) रहेको कम्पनीले बताएको छ । फोनको लागि शुक्रबारदेखि नै प्रिअर्डर खुलाइएको हो । बिक्री मंगलबारदेखि शुरु हुने बताइएको छ ।प्रिन्टरको मूल्य भने ४९९ युआन (६८ डलर) रहेको छ । यो फोटो प्रिन्ट गर्ने कागजसहित आउनेछ । तर यो प्रिन्टरको आपूर्ति सीमित भएको कम्पनीका संस्थापक लिई चुनले भनेका छन् ।

यसको साथै साओमीले दोबार्न मिल्ने फोन मिक्स फोल्ड ४ को नयाँ भर्सन पनि ल्याएको छ । अघिल्लो भर्सनको जस्तै यसको मूल्य ८ हजार ९९९ युआन रहेको छ ।