जीबन बिमा गरेका गौलीलाई घातक रोग देखिएपछि नेपाल लाइफले दियो ६ लाख रुपैयाँ
वि.सं.२०७८ असोज १३ बुधवार
काठमाडौं । नेपाल लाइफ इन्स्यारेन्सले जीबन बिमा गरेका व्यक्तिलाई घातक रोग लागेपछि ६ लाख रुपैयाँ भुक्तानी गरेको छ । प्रविण गौलीले नेपाल लाइफ इन्स्योरेन्सको कोटेश्वर शाखाबाट २०७७ पौष १५ गते ६ लाखको जीवन बीमा गरेका थिए । गौलीले घातक रोग वापत निजले बीमाशुल्क १ हजार ५० रुपैयाँ मात्रै तिरेर बीमा गराएका थिए ।
बिमित गौलीलाई १८ ओटा घातक रोग मध्ये एउटा रोग मुटुमा समस्या देखा परेको हुदा कम्पनीले उपचार खर्च गर्नको लागि कोटेश्वरको शाखा प्रबन्धक ज्ञानेन्द्र मान तुलाधर, वरिष्ठ एजेन्सी म्यानेजर दिपक थापा, बास्ना गौली र कर्मचारी अनुज कुमार झा, प्रियंका कार्कीको उपस्थितीमा रु। ६ लाख रुपैयाँको चेक रकम भुक्तानी गरिएको छ ।
२०७८ असोज १३ गते प्रकाशित
प्रकाशित समय : १३:११ बजे
