काठमाडौं । सिईडिबि हाइड्रोपावर डेभलपमेन्ट कम्पनीले आगमी १७ गतेदेखि सर्वसाधारणका लागि आईपीओ निष्काशन गर्ने भएको छ । कम्पनीले कुल जारी पूँजी ८३ करोड ९४ लाख १० हजार रुपैयाँको ३० प्रतिशतले हुने २५ करोड १८ लाख २३ हजार रुपैयाँ बराबरको आईपीओ निष्काशन गर्ने भएको हो ।

कम्पनीले प्रतिकित्ता १०० अंकित मूल्यका २५ लाख १८ हजार २३० कित्ता साधारण शेयर निष्काशन गर्नेछ । जसमा २ प्रतिशत अर्थात ५० हजार ३६५ कित्ता शेयर कर्मचारी, ५ प्रतिशत अर्थात १ लाख २५ हजार ९११ कित्ता शेयर सामूहिक लगानी कोष र बाँकि २३ लाख ४१ हजार ९५४ कित्ता सर्वसाधारणका लागि छुट्याएको छ ।

कम्पनीको आईपीओमा छिटोमा बैशाख २१ गते र ढिलोमा बैशाख ३१ गतेसम्म आवेदन दिन सकिने छ । कम्पनीको आईपीओमा न्यूनतम १० कित्तादेखि अधिकतममा २५ लाख १८ हजार २३० कित्तासम्म आवेदन दिन सकिने छ । कम्पनीको धितोपत्र निष्काशन तथा बिक्री प्रबन्धक सनराइज क्यापिटल लिमिटेड रहेको छ ।

कर्पाेरेट बजार

प्रकाशित समय : ०८:२२ बजे