काठमाडौँ । शिवम् सिमेन्ट्स लिमिटेडले चालुआर्थिक बर्षको तेश्रो त्रैमाससम्म खुद नाफा २६ दशमलव ५२ प्रतिशतले बढाएको छ । कम्पनीले चैत मसान्तसम्म खुद नाफा २६.५२ प्रतिशत ले बढेर १ अर्ब ९ करोड ८० हजार रुपैयाँ पुगेको छ । अघिल्लो वर्षको यसैअवधिमा यसले ८६ करोड १५ लाख ६७ हजार रुपैयाँ खुद नाफा कमाएको थियो । यसअवधिमा सिमेन्ट बिक्री र अन्य स्रोतहरुबाट हुने आम्दानीसमेत वृद्धि भएपछि खुद नाफा बढ्न सहयोग पुगेको हो ।

एक वर्षको अवधिमा सिमेन्ट बिक्रीबाट हुने आम्दानी ३.८२ प्रतिशत ले बढेर ७ अर्ब ३५ करोड ५१ लाख २७ हजार रुपैयाँ पुगेको छ । अघिल्लो वर्ष यसले सिमेन्ट बिक्रीबाट ७ अर्ब ८ करोड ४० लाख ८५ हजार रुपैयाँ आम्दानी गरेको थियो । साथै, अन्य स्रोतबाट हुने आम्दानी २४५.३४ प्रतिशतले बढेर ३ करोड ८९ लाख ४८ हजार रुपैयाँ पुगेको छ । अघिल्लो वर्ष यसले अन्य स्रोतबाट १ करोड १२ लाख ७९ हजार रुपैयाँ मात्रै आम्दानी गरेको थियो ।

चैत मसान्तसम्म आइपुग्दा शिवम् सिमेन्ट्सको प्रतिसेयर आम्दानी ९ रुपैयाँ ०२ पैसाले बढेर वार्षिक ३३ रुपैयाँ ०३ पैसा पुगेको छ । अघिल्लो वर्ष यसको प्रतिसेयर आम्दानी २४ रुपैयाँ ०१ पैसा थियो । चुक्ता पुँजी ४ अर्ब ४० करोड रुपैयाँ रहेको छ । सेयर प्रिमियममा ९५ करोड ६२ लाख ३३ हजार रुपैयाँ र अन्य इक्विटीमा ४ अर्ब १२ करोड ३ लाख ९ हजार रुपैयाँ छ । २०७८ वैशाख २९ गते प्रकाशित ।

कर्पाेरेट बजार

प्रकाशित समय : ०६:४९ बजे