काठमाडौँ । नेपाली कांग्रसका सभापति तथा प्रधानमन्त्री शेरबहादूर देउवालाई कांग्रेसका युवा नेताहरूले पार्टीको विधान र नेपालको संविधान बुझाउने भएका छन् । पार्टीको वैधानिकतामा संकट आईपरेको भन्दै केन्द्रीय समितिमा नरहेका युवा नेताहरूले थालेको ‘सबल कांग्रेस निर्माणका लागि हाम्रो अभियान’ का तर्फबाट देउवालाई विधान र संविधान बुझाउन लागेका हुन् ।

अभियानका सदस्य एवं नेविसंघका पूर्वउपाध्यक्ष डिल्लीराम सुवेदीले पार्टीको वैधानिकतामै संकटमा पर्ने देखेपछि नेतृत्वलाई जिम्मेवार बनाउन सांकेतिक कार्यक्रम स्वरुप पार्टीको विद्यान र देशको संविधान देउवालाई दिन बुझाउन लागेको बताए ।

अभियानले यसअघि कांग्रेस मुख्यसचिव कृष्ण पौडेलमार्फत सभापति देउवालाई विधिसम्मत महाधिवेशनका लागि ज्ञापन पत्र बुझाएको थियो ।

कांग्रेस केन्द्रीय समितिको बैठक आज २ बजेपछि देउवा निवास बूढानीलकण्ठमा बस्दैछ । अभियानले बूढानीलकण्ठमै पुगेर विधान र संविधान बुझाउन लागेको हो । कांग्रेसले विधानले तोकेको अवधिमा महाधिवेशन गर्न सकेन भने संविधानले दिएको समयसीमा पनि घर्किदैछ

२०७८ साउन २८ गते प्रकाशित