सुपरमाई हाइड्रोपावरले आव्हान गर्यो सातौँ वार्षिक साधारण सभा, आईपीओ निष्कासन गर्ने तयारि
वि.सं.२०७८ साउन १५ शुक्रवार
काठमाडौं । सुपरमाई हाइड्रोपावर पब्लिक लिमिटेडले भदौ ५ गते सातौँ वार्षिक साधारण सभा आव्हान गरेको छ ।
कम्पनीले आफ्नै रजिष्टर्ड कार्यालय बानेश्वर, काठमाडौंमा बिहान ११ बजेका लागि सभा बोलाएको हो । कम्पनीको साउन १२ गते बसेको सञ्चालक समितिको बैठकले सभा गर्ने निर्णय गरेको हो ।
कोरोना महामारीको जोखिमलाई मध्यनजर गर्दै सभा भर्चुअल माध्यमबाट सम्पन्न गर्ने कम्पनीले जानकारी दिएको छ । सभाले आर्थिक वर्ष २०७७/७८ सम्मको सञ्चित मुनाफाबाट शेयरधनीहरुलाई चुक्तापूँजीको ११ दशमलव ५० प्रतिशत नगद लाभांश (कर सहित) वितरण गर्ने, सार्वजनिक शेयर (आईपीओ) निष्कासन गर्ने प्रस्ताव पारित गर्नेछ ।
सभाको अन्य प्रस्तावमा आर्थिक वर्ष २०७७/७८ को वार्षिक प्रतिवेदन छलफल गरी पारित गर्नुका साथै लेखा परीक्षकको नियुक्ति र निजको पारिश्रमिक निर्धारण गर्ने पनि रहेको छ ।
२०७८ साउन १३ गते प्रकाशित
प्रकाशित समय : ०४:१९ बजे
