काठमाडौँ । काठमाडौं पुनर्गठित मन्त्रिपरिषद्‍का मन्त्रीहरूले पद तथा गोपनियताको शपथ ग्रहण गरेका छन् । राष्ट्रपति विद्यादेवी भण्डारीले राष्ट्रपति कार्यालयमा एक समारोहबीच शपथ खुवाएकी हुन् । प्रधानमन्त्री केपी शर्मा ओलीद्धारा पुनर्गठिट मन्त्रिपरिषद्मा ३ जना उपप्रधानमन्त्री सहित १२ मन्त्री र २ जना राज्यमन्त्री रहेका छन् ।

प्रधानमन्त्री केपी शर्मा ओलीसँग रक्षा, गृह, सञ्चार, पर्यटन, कृषि, उद्योग वाणिज्य र सामान्य प्रशासन मन्त्रालय रहेका छन् भने विष्णु पौडेल उपप्रधानमन्त्री सहित अर्थ मन्त्रालय, राजेन्द्र महतो उपप्रधानमन्त्री सहित शहरी विकास, रघुवीर महासेठ उपप्रधानमन्त्री सहित परराष्ट्र मन्त्रालय, शेरबहादुर तामाङ स्वास्थ्यमन्त्री, कृष्णगोपाल श्रेष्ठ शिक्षामन्त्री, बसन्तकुमार नेम्वाङ भौतिक पूर्वाधार तथा यातायात मन्त्री, लीलानाथ श्रेष्ठ कानून न्याय तथा संसदीय मामिला मन्त्री, शरतसिंह भण्डारी ऊर्जा मन्त्री, अनिल झा खानेपानी तथा सरसफाई मन्त्री, विमल श्रीवास्तव श्रम तथा रोजगार उमाशंकर अरगरिया वन तथा वातावरण मन्त्री, लक्ष्मणलाल कर्ण भूमि व्यवस्था मन्त्री, चन्दा चौधरी महिला, बालबालिका तथा ज्येष्ठ नागरिक मन्त्री, एकवाल मियाँ युवा तथा खेलकुद मन्त्री, चन्द्रकान्त चौधरी ऊर्जा राज्यमन्त्री, रेणुका गुरुङ महिला, बालबालिका तथा ज्येष्ठ नागरिक राज्यमन्त्री बनेका छन् ।

परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री हृदयेश त्रिपाठी, संस्कृति पर्यटन तथा नागरिकमन्त्री भानुभक्त ढकाल, कृषि तथा पशुपक्षी विकासमन्त्री पद्माकुमारी अर्याल, सञ्चारमन्त्री र्पावत गुरुङ र भूमि व्यवस्था, सहकारी तथा गरिबी निवारणमन्त्री डा. शिवमाया तुम्बाहाम्फे, संघीय मामिला तथा सामान्य प्रशासनमन्त्री गणेश गठुन्ना, वन तथा वातावरणमन्त्री प्रेमबहादुर आले र महिला बालबालिका तथा ज्येष्ठ नागरिकमन्त्री जुलीकुमारी महतो विदा भएका छन् ।
स्वास्थ्य राज्यमन्त्री नवराज राउत, सहरी विकास राज्यमन्त्री रामवीर मानन्धर र उद्योग राज्यमन्त्री विमला विक पनि सरकारबाट विदा भएका छन् ।

२०७८ जेठ २२ गते प्रकाशित