काठमाडौँ । प्राइम लाइफ इन्स्योरेन्स कम्पनीले आफ्नो १३ वर्ष पुरा गरि १४ औँ वर्षमा प्रवेश गरेको छ । कम्पनी २०६५ जेष्ठ २२ गते देखि सञ्चालन आएर जीवन बीमा क्षेत्रमा आफ्नो बिशेष पहिचान स्थापीत गरेको हो ।
कम्पनीले वार्षिक उत्सवको अवसरमा आजै देखि लागु हुने गरी प्राइम शुभलाभ बीमा योजना” ल्याएको छ । यो योजनाले ग्राहकहरुको नविनतम आवश्यकता लाई पूरा गर्ने विश्वास कम्पनीले लिएको छ ।
साथै कम्पनीले हाल १७ प्रकारका बीमा योजना बजारमा उपलव्ध गराएको छ । ग्राहकहरुले आवश्यकताका आधारमा जुनसुकै बीमा योजना अन्तर्गत बीमा गर्न सक्नेछन ।

कम्पनीले शेयरधनिहरुलाई विगत वर्षहरुदेखि राम्रो प्रतिफल दिंदै आइरहेको छ । कम्पनीले आ.व. २०७२÷७३ देखि शेयरधनिहरुलाई वितरण गरेको लाभांश (बोनश तथा नगद) को विवरण निम्न बमोजिम रहेको छ ।
प्राइम लाइफ इन्स्योरेन्स कम्पनी लिमिटेडले आफ्नो ग्राहकहरुको बीमाशुल्क लगायतको भुक्तानी प्रक्रिया सरलताका लागि समय समयमा अनलाइन सेवाको विस्तार गर्दै आइरहेको छ । हाल कम्पनीका ग्राहकहरुले कनेक्ट आइपिएस तथा एनसिएचएल आइपिएस, इसेवा, फोनपे, खल्ति, जस्ता अनलाइन सेवा मार्फत समेत इन्टरनेटको माध्यमबाट घरमै बसि बीमाशुल्क लगायतको भुक्तानी गर्न सक्ने छन भने अन्य सम्वद्ध पक्षहरुले समेत भूक्तानी प्राप्त गर्न कार्यालयमै उपस्थित हुन नपर्ने भएको छ ।

शुरु देखि नै छिटो, छरितो सहज तथा विश्वसनिय सेवा प्रदान गर्दै आइरहेको प्राइम लाइफले ग्राहकहरुको थप सुविधा स्वरुप घरमै बसि सुरक्षित रुपमा भुक्तानीका विविध सेवा सुविधा प्राप्त गर्न सक्ने व्यवस्था मिलाएको छ । कम्पनीका प्रमुख कार्यकारी अधिकृत मनोज कुमार भट्टराइले हालको विषम परिष्थितिमा ग्राहकहरुमा डिजिटल भुक्तानी सुविधा प्रदान गरी प्रभावकारी सेवा दिन अपरिहार्य रहेको जानकारी गराउंदै आगामी दिनमा समेत कम्पनीले ग्राहकहरुमा थप सेवा सुविधा प्रदान गर्दै जानेमा जोड दिने अवगत गराउनु भयो । ग्राहक मैत्रि सेवामा जोड दिंदै आइरहेको यस कम्पनीले यो सेवा संगै ग्राहकहरुको कार्यमा थप सहज भई निजहरुको सन्तुष्टि बढ्ने विश्वास गरेको छ ।

यस कम्पनीले देशभरमा विभिन्न १५५ भन्दा बढी स्थानहरुबाट छिटो तथा सहज जीवन बीमा सेवा उपलब्ध गराउंदै आएको छ ।

२०७८ जेठ २२ गते प्रकाशित