काठमाडौँ । नेपालमा पछिल्लो समय खानेतेलको मूल्य अनपेक्षीत रुपमा बढेको छ । नेपाल वनस्पति घ्यू–तेल उत्पादक संघले नेपाली बजारमा प्रशोधित खाने तेलमा भएको अन्तर्राष्ट्रिय बजारमा परिवर्तित कच्चा पदार्थको मूल्यअनुसार मूल्यवृद्धि भएको जानकारी गराएको हो ।

अन्तर्राष्ट्रिय बजारमा दिनहुँ भइरहेको कच्चा पदार्थको मूल्यवृद्धिकै कारण प्रशोधित खाने तेलमा हालको मूल्यवृद्धि गरिएको संघको दाबि छ । साथै संघले विभिन्न सञ्चार माध्यमहरुले कृत्रिम अभाव सिर्जना गरी मूल्यवृद्धि भएको समाचार सप्रेशण गरेकोमा समेत आपत्ति जनाएको छ ।

यद्यपी संघले नै हालको मूल्य ऐतिहासीक मूल्यवृद्धि भएको जनाएको छ । विगत करिब १६ महिनादेखि नै विश्वमा फैलिएको कोरोना महामारी तथा अन्य अन्य कारणले गर्दा खाने तेलको मूल्यमा समेत अस्भाभाविक रुपमा वृद्धि हुन गएको संघको दाबि छ। ‘जुन हालसम्मकै ऐतिहासिक मूल्यृवद्धि नै हो’, विज्ञप्तिमा भनिएको छ।

हाल संघमा २० वटा प्रशोधित खानेतल उत्पादन गर्ने उद्योगहरुले नियमित रुपमा आफ्ना उत्पादनहरु सोयाबिन तेल, सनफ्लावर तेल आदि उत्पादन गरी स्थानीय बजारका साथै निकासी समेत गर्दै आएको संघले जनाएको छ। अहिले विषम परिस्थितमा पनि न्यून जनशक्तिबाट यथासम्भव उद्योग नियमित सञ्चालन गरी आपूर्ति व्यवस्थालाई सुचारु राख्ने प्रतिबद्धता पनि संघले गरको छ।

२०७८ जेठ १८ गते प्रकाशित