हालसम्मकै बढी कोरोना संक्रमणमुक्त, संक्रमित भन्दा निको हुनेको संख्या बढी
वि.सं.२०७८ जेठ १४ शुक्रवार
काठमाडौँ। मुलुकमा पछिल्लो २४ घण्टामा ९,८४१ जना कोरोना भाइरस संक्रमणबाट मुक्त भएका छन् । यो एकै दिन संक्रमण मुक्तहुने हालसम्मकै बढी हो । योसहित नेपालमा कोरोना संक्रमणमुक्त हुनेको संख्या ४ लाख २८ हजार ६७० जना पुगेका छन् ।
त्यस्तै, थप ६ हजार ९५१ जनामा कोरोना संक्रमण पुष्टि भएको छ । १९ हजार ३१३ पीसीआर परीक्षणमा ६ हजार ८५५ र ७९७ एन्टिजेन परीक्षणमा ९६ जना गरी ६ हजार ९५१ जनामा संक्रमण पुष्टि भएको हो । योसहित नेपालमा कोरोना भाइरस संक्रमितको कुल संख्या ५ लाख ४९ हजार १११ पुगेको छ ।
हाल सक्रिय संक्रमितको संख्या १ लाख १३ हजार ३९४ जना रहेका छन् ।
त्यस्तै, पछिल्लो २४ घण्टामा ९६ जना कोरोना संक्रमणबाट मृत्यु भएको छ । योसहित नेपालमा कोरोना संक्रमणबाट मृत्यु हुनेको संख्या ७ हजार ४७ जना पुगेका छन् ।
२०७८ जेठ १४ गते प्रकाशित
प्रकाशित समय : १०:३८ बजे
