काठमाडौं । प्रतिनिधिसभा विघटन र मध्यावधि चुनावको घोषणापछि विपक्षी दलहरुको सक्रियता बढेको छ । अबको रणनीति तय गर्न विपक्षी गठवन्धनका बैठक सुरु समेत गरिसकेका छन् ।
अहिले नयाँ बानेश्ववरस्थित संसद भवनको ल्होत्से हलमा हुने बैठकमा कांग्रेस, माआवादी तथा एमाले र जसपाका विभाजित समूहहरू बैठकमा जुटेका छन् ।

कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डका साथसाथै नेकपा एमालेका असन्तुष्ट नेता माधवकुमार नेपाल पनि वैठकमा उपस्थित रहेका छन् ।

जनता समाजवादी पार्टीका उपेन्द्र यादव र बाबुराम भट्टराई तथा कांग्रेस नेताहरू रामचन्द्र पौडेल र विमलेन्द्र निधि पनि बैठकस्थलमा आइसकेका छन् ।

गठबन्धनको बैठक पूर्व पाँच शीर्ष नेताहरू अनौपचारिक छलफलमा जुटेका छन् । कांग्रेस सभापति देउवा, माओवादी अध्यक्ष प्रचण्ड, एमाले नेता नेपाल तथा जसपाका भट्टराई र यादवबीच अनौपचारिक कुराकानी भइरहेको छ ।

आजको गठबन्धन बैठकले सरकारको निर्णयमाथि कानुनी प्रतिवाद गर्ने विषयमा छलफल गर्ने बताइएको छ ।

२०७८ जेठ ८ गते प्रकाशित