ओलीद्धारा आकस्मिक स्थायी कमिटीको आकस्मिक आह्वान
वि.सं.२०७८ जेठ ६ बिहीवार
काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले आकस्मिक स्थायी कमिटी बैठक आह्वान गरेका छन् । बैठक आज दिउँसो बस्ने भएको हो । पार्टी अध्यक्ष तथा प्रधानमन्त्री केपी शर्मा ओलीसँगको छलफलपछि महासचिव ईश्वर पोखरलले दिउँसो २ बजे बैठक बोलाएको जानकारी गराए ।
प्रधानमन्त्री निवास बालुवाटारमा बस्ने बैठकमा माधव नेपाल पक्षसँग वार्ता गर्न गठित वार्ता टोलीले रिपोर्टिङ गर्नेछ ।
त्यस्तै राष्ट्रियसभा निर्वाचनमा पार्टीका आधिकारिक उम्मेदवार तथा स्थायी कमिटी सदस्य रामवहादुर थापा बादललाई माधव पक्षले गरेको असहयोगको बारेमा समेत समीक्षा हुने बताइएको छ ।
२०७८ जेठ ६ गते प्रकाशित
प्रकाशित समय : ०४:३४ बजे
