प्रभु बैंकको संस्थापक सेयरमा बोलपत्र पेस गर्ने अन्तिम मौका
वि.सं.२०७८ भदौ २८ सोमवार
काठमाडौँ । प्रभु बैंक लिमिटेडको लिलामीमा राखिएको संस्थापक सेयरमा बोलपत्र पेस गर्ने आज आज अन्तिम दिन रहेको छ । गत भदौ १५ गतेदेखि प्रभु बैंकको २ लाख ५२ हजार ७२८ कित्ता लिलामी मार्फत बिक्रि खुला गरेको संस्थापक सेयरमा आजसम्म मात्रै आवेदन दिन पाइने हो । यो लिलामी सेयरमा आज बैंकिङ समयसम्म बोलपत्र पेस गर्न सकिन्छ।
लिलामी सेयरमा विद्यमान संस्थापकसँगै इच्छुक व्यक्ति तथा संगठित संस्थाहरुले बोलपत्र पेस गर्न सक्नेछन्। लिलामी सेयरको न्यूनतम मूल्य प्रतिकित्ता २१० रुपैयाँ तोकिएको छ। इच्छुक लगानीकर्ताले बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ। बोलपत्र पेस गर्दा न्यूनतम १ हजार कित्ता वा १० अंकको गुणांकमा अधिकतम सम्पूर्ण कित्ताका लागि आवेदन दिन सकिनेछ। लगानीकर्ताले आफूले किन्न चाहेको सेयर संख्या तथा कबोल गरेको प्रतिकित्ता दर अंक र अक्षरमा स्पष्ट लेख्नुपर्नेछ।
बोलपत्र धितोपत्र बिक्री प्रबन्धक मुक्तिनाथ क्यापिटलको काठमाण्डौ हात्तीसारस्थित कार्यालयमा पेस गर्नुपर्नेछ।
२०७८ भदौ २८ गते प्रकाशित
प्रकाशित समय : ११:१७ बजे
