काठमाडौँ । आत्मनिर्भर लघुवित्त वित्तीय संस्था लिमिटेडले आईपिओ निष्काशन गर्ने भएको छ । कम्पनीले १ करोड ८० लाख रुपैयाँबराबरको आईपीओ निष्कासन गर्ने भएको हो। लघुवित्तले १०० रुपैयाँ अंकित दरका कुल १ लाख ८० हजार कित्ता आईपीओ जारी गर्न लागेको हो ।

आईपीओ निष्कासनका लागि आत्मनिर्भर लघुवित्तले सनराइज क्यापिटल लिमिटेडलाई नियुक्त गरेको छ। यस विषयमा आत्मनिर्भर लघुवित्त र सनराइज क्यापिटलबीच सम्झौता भएको छ।
सम्झौतापत्रमा आत्मनिर्भर लघुवित्तका प्रमुख कार्यकारी अधिकृत सौगतवीर चौधरी र सनराइज क्यापिटलका प्रमुख कार्यकारी अधिकृत विजललाल श्रेष्ठले हस्ताक्षर गरेका छन्।
दाङको घोराहीमा रजिस्टर्ड कार्यालय रहेको आत्मनिर्भर लघुवित्तले छिटै आईपीओ जारी गरिने जनाएको छ।
२०७८ साउन १९ गते प्रकाशित

कर्पाेरेट बजार

प्रकाशित समय : ०९:२३ बजे