काठमाडौँ । बैंकहरुले चौथो त्रैमासको वित्तीय विवरण साउन मसान्तसम्म प्रकाशन गर्न पाउने भएका छन् ।

नेपाल राष्ट्र बैंकले आर्थिक वर्ष २०७७–७८ को चौथो त्रैमासको वित्तीय प्रतिवेदन साउन मसान्तसम्म प्रकाशन गर्न दिने भएको हो ।

राष्ट्र बैंकको नियमन विभागले सोमबार सर्कुलर जारी गरी यस्तो ब्यवस्था लागू गरेको हो ।

राष्ट्र बैंकले यो भन्दा पहिले हरेक त्रैमास सकिएको १५ दिनभित्र बैंक तथा वित्तीय संस्थाहरुले अन्तरिम वित्तीय प्रतिवेदन सार्वजनिक गर्नुपर्ने व्यवस्था रहेपनि अहिले भने मसान्तसम्म सार्वजनीक गर्न सक्ने भएका हुन् ।

यसअघि हरेक त्रैमासको महिना व्यतित भएको मितिले १५ दिनभित्र कुनै एक राष्ट्रिय स्तरको दैनिक पत्रिकामा अनिवार्य रुपमा प्रकाशित गरी सोको एक प्रति बैंक तथा वित्तीय संस्था नियमन विभाग र सम्बन्धित सुपरिवेक्षण विभागलाई समेत उपलब्ध गराउनु पर्ने व्यवस्था रहेको थियो ।

त्यस्तै, अन्तरिम वित्तीय प्रतिवेदनको विस्तृत विवरण यस बैंकले तोकिदिएको ढाँचामा आफ्नो वेबसाइटमा राख्नु पर्नेछ ।
२०७८ साउन ११ गते प्रकाशित