काठमाडौँ । सिटिजन्स बैंक लिमिटेडले आफ्नो १४ वर्षे यात्रा पुरा गरि आजबाट १५ वर्षे यात्रा सुरु गरेको छ । चुक्ता पूँजी ५६ करोड रुपैयाँ यो बैकले हाल ११ अर्ब ६६ करोड रुपैयाँ चुक्ता पूँजी पुर्याउन सफल भएको छ । साथै बैंककले सार्वजनीक गरेको तेस्रो त्रैमासिक विवरण अनुसार बैकले यो त्रैमासमा खुद नाफा ४१.६१ प्रतिशतले बढाएको छ ।
अघिल्लो आर्थिक वर्षको सोहि अवधिमा बैंकले १ अर्ब ९ करोड नाफा कमाएकोमा चालु आवको तेस्रो त्रैमासमा बैंकको नाफा बढेर १ अर्ब ५४ करोड पुर्याएको हो । बैंकको खुद ब्याज आम्दानी १३.१९ प्रतिशतले बढेर २ अर्ब ५४ करोड पुगेको छ । यस अवधिमा कम्पनीको वितरणयोग्य मुनाफा १ अर्ब ३४ करोड रहेको छ ।
समिक्षा अवधिमा बैंकको निक्षेप ४३.६८ प्रतिशतले बढेर १ खर्ब २७ अर्ब पुगेको छ भने कर्जा प्रवाह ३७.९२ प्रतिशतले बढेर १ खर्ब ८ अर्ब पुगेको छ ।
११ अर्ब ६६ करोड चुक्ता पुँजी रहेको बैंकको रिजर्भमा ५ अर्ब ४६ करोड रहेको छ । बैंकको खराब कर्जा भने ०.९७ प्रतिशतबाट बढेर १.८३ प्रतिशत पुगेको छ । बैंकको प्रति शेयर आम्दानी १७.६७ रुपैयाँ रहेको छ भने प्रति शेयर नेट वर्थ १४६.८७ रुपैयाँ रहेको छ ।
बैंकले हालै मात्र तिनाउ मिसन डेभलपमेन्ट बैंकलाई प्राप्ति गरी एकिकृत कारोबार सुरु गरेको थियो भने सिर्जना फाइनान्सलाई प्राप्ति गर्ने प्रक्रियामा रहेको छ ।

कर्पाेरेट बजार

प्रकाशित समय : ०७:२७ बजे