दिनभरीको उतार चढावपछि दोहोरो अंकले बढेर रोकियो बजार, पौने १२ अर्ब माथिको कारोबार
वि.सं.२०७८ साउन ४ सोमवार
काठमाडौँ । साताको तेस्रो काराबार दिन आज दिनभरको उतारचढाव पछि नेप्से सूचक दोहोरो अंकको बढोत्तरीमा रोकिएको छ । आज कारोबार बन्द हुने समयमा नेप्से सूचक १३.८० अंकले बढेर २९९४.४२ को बिन्दूमा रोकिएको हो ।
आज दिनभर २१९ कम्पनीको ३ करोड ७५ लाख ७१ हजार ३५४ कित्ता सेयर किनबेच हुँदा ११ अर्ब ८१ करोड ३७ लाख ५४ हजार रकम बराबरको कारोबार भएको छ ।
कारोबारको सुरुवातमा ५० प्रतिशत सम्मले माथि उक्लेको बजार इन्ट्रा डे कारोबार मै ह्वात्तै तल झरेको हो ।
यसरी नै यो दिन सिनर्जी पावर कम्पनीको सेयर मूल्यमा सकरात्क सर्किट लागेर बन्द भएको छ । विशाल बजार, नेपाल इन्स्योरेन्स, नागरिक लगानी कोषलगायत कम्पनीका लगानीकर्ताले आजको दिनमा राम्रो कमाएका छन् ।
यता १२ वटा उपसमूहको परिसूचकमध्ये विकास बैंक, फाइनान्स, होटल एण्ड टुरीजम, हाईड्रो र माईक्रोफाइनान्स समूहको सूचकमा गिरावट आएको हो ।
२०७८ साउन ४ गते प्रकाशित
प्रकाशित समय : ०९:३० बजे
