काठमाडौँ । आरविवि मर्चेन्ट बैंकिङ्गले पहिलो पटक म्युचुअल फण्डको बजार बिस्तार गर्न लागेको छ । सोही अनुसार बैंकिङ्गले बुधबारबाट १ अर्ब बराबरको ८ करोड फण्डको इकाई निष्काशन गर्न लागेको हो ।

राष्ट्रिय वाणिज्य बैंकको भगिनी संस्था आरबिबि मर्चेण्टले ‘आरबिबि म्युचुअल फण्ड १’ नामक योजनाको व्यवस्थापकीय जिम्मेवारी सहित इकाई निष्काशन गर्न लागेको हो । असार २३ गते बिहीबारदेखि प्रति इकाई १० रुपैंया अंकित मूल्यमा १ अर्ब रुपैंया बराबरको १० करोड इकाई निष्काशन हुन लागेको छ ।

आरविवि म्युचुअल फण्ड अन्तर्गत निष्कासन हुन लागेको आरविवि म्युचुअल फण्ड १ को कोष प्रवद्र्धक राष्ट्रिय वाणिज्य बैंक लिमिटेड रहेको छ । निष्काशित इकाई मध्ये १३ प्रतिशत इकाईमा कोष प्रवद्र्धक बैंकले बिज लगानी गर्नेछ । त्यसै गरी कोष व्यवस्थापक आरबिबि मर्चेण्ट बैंकिङले २ प्रतिशत बिज लगानी गर्नेछ । सात वर्षे अवधिको बन्दमूखी योजनाका इकाईमा आवेदकले कम्तीमा १०० देखि १ करोड इकाईसम्मका लागि आवेदन दिन सक्ने छन् ।

नेपाल धितोपत्र बोर्डबाट अनुमति प्राप्त सि–आस्वा प्रणालीमा आबद्ध बैंक तथा वित्तीय संस्थाहरु र तीनका शाखा कार्यालयहरुबाट फण्डका इकाईमा आवेदन दिन सकिन्छ । इकाईहरुको निष्काशन पश्चात नेपाल स्टक एक्सचेञ्ज लिमिटेडमा सूचिकृत गरी दोस्रो बजारमा फण्डका इकाईको कारोबार समेत हुनेछ । मर्चेण्ट बैंकिङका प्रमुख कार्यकारी अधिकृत बद्रीप्रसाद प्याकुरेलले फण्ड वार्षिक २२.८७ प्रतिशत प्रतिफल दिने प्रक्षेपण गरेको बताएका छन् ।
२०७८ असार २१ गते प्रकाशित