काठमाडौँ । तेह्रथुम पावर कम्पनी लिमिटेडले आईपीओ निष्काशनका लागि अनुमति पाएको छ । नेपाल धितोपत्र बोर्डले कम्पनीलाई हिजो १२ करोड रुपैयाँबराबरको आईपीओ निष्कासनको अनुमति दिएको हो।

बोर्डको अनुमतिसँगै अब तेह्रथुम पावरले स्थानीय र सर्वसाधारणका लागि १०० रुपैयाँ अंकित दरका कुल १२ लाख कित्ता आईपीओ निष्कासन गर्नेछ। आईपीओ चुक्तापुँजीको ३० प्रतिशतबराबरको हुन आउँछ।

तेह्रथुम पावरको आईपीओ निष्कासन तथा बिक्री प्रबन्धकमा एनआईबीएल एस क्यापिटल लिमिटेड रहेको छ।

२०७८ असार ११ गते प्रकाशित