काठमाडौँ । साताको अन्तिम कारोबार दिन आज बिहिबार नेप्से सूचकमा सामान्य गिरावट आएको छ । आज नेप्से सूचक १.२९ अंकले घटेर २९६८.४३ को बिन्दुमा पुगेको हो ।

आज दिनभर कारोबारमा आएका २२३ कम्पनीको २करोड ३ लाख ६५ हजार ६९९ कित्ता सेयर किनबेच हुँदा १० अर्ब ९० करोड ४९ लाख ५८ हजार ९ सय ३५ रूपैयाँ बराबरको कारोबार भएको छ ।

आज विकास बैंक, फाइनान्स लगायत ६ समूहको समूहगत सुचक बढेको छ भने माईक्रोफाईनान्स, बैंक लगायत ७ समूहको समूहगत सुचक घटेकोे छ । आज विकास बैंक समूहको सूचक सर्वाधिक बढी २ं.४ प्रतिशत बढेको छ भने सर्वाधिक बढी माईक्रोफाईनान्स समूहको १.१९ प्रतिशतले घटेको छ ।

आज नेपाल पूनर्बीमा कम्पनीको सर्वाधिक बढि ७७ करोड ३७ लाख रुपैयाँ बराबरको सेयर कारोबार भएको छ भने नेशनल हाइड्रोपावर कम्पनीको ३० करोड ३ लाख रुपैयाँ बराबरको सेयर कारोबार भएको छ ।

२०७८ असार ३ गते प्रकाशित