काठमाडौँ । एन आइ सी एशिया क्यापिटल लिमिटेडले लगानीकर्ताहरुलाई अनलाईनको माध्यमबाट लगानी व्यावस्थापन सेवा (पीएमएस)को लागी आवेदन दिन सक्ने व्यबस्था मिलाएको छ ।
हाल महामारीको रुपमा फैलिरहेको नोवेल कोरोना भाइरसको दोश्रो लहरको संक्रमण देशव्यापी रुपमा दिन प्रतिदिन फैलिरहेको अवस्था र सोको रोकथाम, नियन्त्रण गर्नको लागि निषेधाज्ञा जारी गरिएको परिस्थितिमा लगानी व्यवस्थापन सेवा लगायतका भौतिक रुपमा उपस्थित भई प्रदान गरिने सम्पूर्ण सेवाहरु पूर्ण रुपमा बन्द भईरहेको अवस्थामा लगानीकर्ताहरुलाई शेयर बजारमा लगानी गरि प्रतिफल लिन सहजीकरण गर्ने मुख्य उद्देश्यका साथ क्यापिटलले अनलाइनबाटै आवेदन दिन सकिने व्यावस्था गरेको हो ।

आफ्नो स्थापनाकाल देखि नै लगानी व्यवस्थापन सेवा (पीएमएस) क्यापिटलको केन्द्रिय कार्यालय बबरमहल, काठमाण्डौबाट प्रदान गर्दै आईरहेको छ । लगानी व्यवस्थापन सेवाको माध्यमबाट शेयर बजार सम्बन्धी ज्ञान नभएका लगानीकर्ता तथा शेयर बजार सम्बन्धी ज्ञान भएता पनि समय अभावको कारणले गर्दा शेयर कारोबार गरेर लाभ लिन नसकेका लगानीकर्ताहरुलाई मध्यनजर गरि क्यापिटलले लगानी व्यवस्थापन सेवा संचालन गरिरहेको छ । हाल उक्त सेवा मार्फत ग्राहकहरुले प्रत्यक्ष रुपमा लाभ लिईरहेको क्यापिटलले जनाएको छ ।

अनलाईन मार्फत लगानी व्यवस्थापन सेवा लिन चाहने ग्राहकहरुले एन आई सी एशिया क्यापिटलको वेभसाईट वा सोझै https://www.nicasiacapital.com/book-an-appointment यो लिंक मा क्लिक गरि थप जानकारीको लागी आफ्नो समय अनुकुल Virtual Meeting को लागि समय बुक गर्न सकिने छ ।

साथै उक्त लगानी व्यवस्थापन सेवा लिनको लागि सोझै  https://portfolio.nicasiacapital.com/Global/Account/Login मा क्लिक गरि रितपूर्वक आवश्यक विवरण÷कागजातहरु अपलोड गर्नु पर्ने छ । उक्त सेवाको सम्बन्धमा थप जानकारीको लागि क्यापिटलको मोवाईल नं. ९८५११२१९९४ मा सोझै सम्पर्क गर्न सकिने छ ।

२०७८ जेठ १७ गते प्रकाशित