काठमाडौं । एभरेष्ट इन्स्योरेन्स कम्पनीको चालु आर्थिक वर्षको तेस्रो त्रैमासमा खुद नाफा १८.६१ प्रतिशतले बढेको छ । गत आर्थिक वर्षको चैतसम्ममा १२ करोड ४९ लाख ४० हजार रुपैयाँ खुद मुनाफा आर्जन गरेको यस इन्स्योरेन्सले चालु आर्थिक वर्षको समिक्षा अवधिमा १४ करोड ८१ लाख ९६ हजार रुपैयाँ आर्जन हो ।

नाफा अनुसार कम्पनीका प्रायः सूचकहरुनै सकरात्क देखिएका छन् । यस अवधिमा गत आर्थिक बर्षको सोहि अवधिमा कम्पनीको बीमा कोष २९ करोड ३९ लाख ४२ लाख रुपैयाँ रहेकोमा यो वर्ष ३६.३८ प्रतिशतले बढेर ४० करोड ८ लाख ८७ हजार रुपैयाँ पुगेको छ ।

त्यस्तै, यस अवधिमा कम्पनीको कूल बीमा शुल्क आर्जन ३.३६ प्रतिशतले बढेर ७६ करोड ६१ लाख ६६ हजार रुपैयाँ आर्जन गरेको छ । गत आर्थिक बर्षको सोहि अवधिमा कम्पनीको कूल बीमा शुल्क आर्जन ७४ करोड १३ लाख ५७ हजार रुपैयाँ थियो ।

त्यस्तै, यस अवधिमा कम्पनीको खुद बीमा शुल्क १५.०८ प्रतिशतले बढेर ३८ करोड ९१ लाख ५६ हजार रुपैयाँ आर्जन गरेको छ । गत आर्थिक बर्षको सोहि अवधिमा कम्पनीको खुद बीमा शुल्क ३३ कराुड ८१ लाख ६७ हजार रुपैयाँ आर्जन गरेको थियो ।

त्यस्तै, यस अवधिमा खुद दाबी भुक्तानी २२.०८ प्रतिशतले बढेर १५ करोड ८ लाख २९ हजार रुपैयाँ गरेको छ । गत आर्थिक बर्षको सोहि अवधिमा कम्पनीले खुद दाबी भुक्तानी १२ करोड ३५ लाख ५४ हजार रुपैयाँ गरेको थियो ।

यस अवधिमा कम्पनीको जारी पोलिशी संख्या २०.५१ प्रतिशतले बढेर ८ करोड ३२ लाख ८९ हजार रहेको छ । गत आर्थिक बर्षको सोहि अवधिमा कम्पनीले जारी पोलिशी संख्या ६ करोड ९१ लाख १६ हजार गरेको थियो । कम्पनीको प्रतिशेयर आम्दानी २ रुपैयाँ ८३ पैसाले बढेर १८ रुपैयाँ ३ पैसा पुगेको छ ।

त्यस्तै, यस अवधिमा कम्पनीको चुक्ता पूँजी १ अर्ब ९ करोड ५९ लाख ३० हजार रुपैयाँ रहेको छ । त्यस्तै, यस अवधिमा कम्पनीको जगेडा कोष ६७.७९ प्रतिशतले बढेर ३४ करोड ८७ लाख १८ हजार रुपैयाँ रहेको छ । गत आर्थिक बर्षको सोहि अवधिमा कम्पनीको जगेडा कोषमा २० करोड ७८ लाख २९ हजार रुपैयाँ रहेको थियो ।

२०७८ वैशाख ३१ गते प्रकाशित