नेप्से सुधारको बाटोमा, १० अंकले बढ्दा ७ अर्ब माथिको कारोबार
वि.सं.२०७८ वैशाख ३० बिहीवार
काठमाडौं । साताको अन्तिम कारोबारको दिन बिहिबार आज नेप्से परिसूचक १०.१३ प्रतिशतले बढेर २६८४.०१ को विन्दुमा पुगेको छ । आज दिनभर कारोबारमा आएका २ सय १८ वटा कम्पनीको २ करोड १९ लाख ५५ हजार ९ सय ४३ कित्ता शेयर किनबेच हुँदा ७ अर्ब १२ करोड रुपैयाँमाथिको शेयर कारोबार भएको हो ।
आज सबैभन्दा धेरै समता लघुवित्त र दिव्यश्वरी हाईड्रोपावरका १० प्रतिशतले बढेको छ भने विशाल बजार कम्पनीका लगानीकर्ताले ९ दशमलव ९९ प्रतिशतका दरले कमाएका छन्। रूरू जलविद्युत परियोजना, सप्तकोशी डेभलपमेन्ट बैंक, प्रोगेशिभ फाइनान्स, जोशी हाइड्रोपावर, समृद्धि फाइनान्स, आँखुखोला जलविद्युत, खानीखोला हाइड्रोपावर, बेष्ट फाइनान्सका लगानीकर्ताले सर्वाधिक कमाएका छन् । भने, रिदि हाईड्रोपावरको शेयर २ दशमलव ०९ प्रतिशतले घटेको छ भने राष्ट्रिय बीमा कम्पनीका लगानीकर्ताले १ दशमलव ९९ प्रतिशतले गुमाएका छन् ।
आज सबैभन्दा धेरै नेपाल पुनर्बीमा कम्पनीको सर्वाधिक कारोबार भएको छ । कम्पनीको ४९ करोड ४ लाख रुपैयाँको शेयर कारोबार भएको छ । नेशनल हाईड्रोपावरको शेयर २५ करोड ६७ लाख रुपैयाँको शेयर कारोबार भएको छ ।त्यस्तै, अरूण काबेली, हिमाल दोलखा हाइड्रोपावर, नेपाल इन्भेष्टमेन्ट बैंक, हाइड्रोइलेक्ट्रीसिटी इन्भेष्टमेन्ट एण्ड डेचलपमेन्ट कम्पनी, नेपाल इन्फ्रास्ट्रक्चर बैंक, युनाइटेड मोदी हाइड्रोपावर, रसुवागढी हाइड्रोपावर, युनिभर्सल पावर कम्पनी रहेका छन् ।
२०७८ वैशाख ३० गते प्रकाशित
प्रकाशित समय : ११:२८ बजे
