२७ वैशाख, काठमाडौं । रु रु जलविद्युत् परियोजना लिमिटेडले चालू आर्थिक वर्षको तेस्रो त्रैमासमा १२ दशमलव ८१ प्रतिशतले नाफा बढाएको छ । यो अवधिमा कम्पनीले ६ करोड १३ लाख १२ हजार रुपैयाँ खुद नाफा आर्जन गरेको हो । कम्पनीले गत आर्थिक बर्षको सोहि अवधिमा कम्पनीको ५ करोड ४३ लाख ४९ हजार रुपैयाँ खुद नाफा आर्जन गरेको थियो ।

त्यस्तै, यस अवधिमा कम्पनीले विद्युत् विक्री आम्दानी २.७४ प्रतिशतले बढाउन सफल भएको छ । गत आर्थिक वर्षमा विद्युत आम्दानी ११ करोड ७० लाख ९२ हजार आर्जन गरेकोमा चालु आर्थिक वर्षको समिक्षा आवधिमा कम्पनीले १२ करोड २ लाख ९५ हजार रुपैयाँ आर्जन गरेको हो ।

यस अवधिमा कम्पनीको चुक्ता पूँजी १२.५० प्रतिशतले बढेर ३६ करोड ६९ लाख ३४ हजार रुपैयाँ रहेको छ । त्यस्तै, यस अवधिमा कम्पनीको जगेडा कोष १५०.६१ प्रतिशतले बढेर १२ करोड २७ लाख ५८ हजार रुपैयाँ रहेको छ । गत आर्थिक बर्षको सोहि अवधिमा कम्पनीको जगेडा कोषमा ११ करोड ७० लाख ९२ हजार रुपैयाँ रहेको थियो ।

त्यस्तै, यस अवधिमा कम्पनीको प्रतिशेयर आम्दानी १८ रुपैयाँ ६१ पैसा रहेको छ । गत आर्थिक बर्षको सोहि अवधिमा कम्पनीको प्रतिशेयर आम्दानी १६ रुपैयाँ ८५ पैसा रहेको थियो । कम्पनीको प्रतिसेयर नेटवर्थ १३३ रुपैयाँ ४६ पैसा रहेको छ ।