काठमाडौं । नेपाली बजारमा सुनको मूल्य आज बढेको छ । सुनको मूल्य तोलामा एक लाख तीन हजार रुपैयाँ पुगेको छ । हिजो (आइतबार)को तुलनामा तोलामा ११ सयले बढेर सुनको मूल्य हालसम्मकै उच्च हो ।

आज कायम भएको सुनको मूल्य २०७७ साउन २३ गतेयता कै उच्च हो । सो दिन एक लाख ३ हजार पाँच सय रुपैयाँमा छापावाल सुनको कारोबार भएको थियो। आज तेजावी सुनको मूल्य एक लाख २ हजार पाँच सय रुपैयाँ कायम भएको छ भने चाँदीको मूल्य तोलामा १४ सय २५ रुपैयाँ पुगेको छ । आइतबार एक लाख एक हजार चार सयमा तेजावी र एक हजार ४१५ रुपैयाँमा चाँदीको कारोबार भएको नेपाल सुनचाँदी व्यवसायी महासंघले जनाएको छ ।

कर्पाेरेट बजार

प्रकाशित समय : १२:२४ बजे