काठमाडौं । निर्जीवन बीमा कम्पनीहरुले चालु आर्थिक वर्षको कात्र्तिक महिनासम्ममा १२ अर्ब ५८ करोड २८ लाख ७३ हजार बीमाशुल्क संकलन गरेका छन् । यो संकलन अघिल्लो आर्थिक वर्षको सोही अवधिको तुलनामा २७.३६ प्रतिशत बढी हो । अघिल्लो आर्थिक वर्षको समिक्षा अवधिसम्ममा निर्जीवन कम्पनीहरुले मात्रै ९ अर्ब ८८ करोड संकलन गरेका थिए ।

त्यसैगरी निर्जीवन बीमालेखको संख्यामा पनि ३४.६३ प्रतिशतको वृद्धि भएको छ । अघिल्लो आर्थिक वर्षको कात्र्तिकसम्मा कुल निर्जीवन बीमालेख संख्या ७ लाख ३२ हजार ३ सय ५९ पुगेकोमा अहिले समिक्षा अवधिमा पुगेको निर्जीवन बीमालेख संख्या बिमा समितिले ९ लाख ८५ हजार ९सय ४७ बिक्रि गरेको जनाएको छ ।

यता निर्जीवन बीमा कम्पनीहरुको चुक्तापुजी समिक्षा अवधिमा ७.९६ प्रतिशतले बढेको छ ।

यस्तो छ, बीमा समितिले आज सार्वजनीक गरेको २० निर्जिवन बीमा कम्पनीहरुको बीमा शुल्क संकलनको अवस्थाः

समिक्षा अवधिमा शिखर इन्स्योरेन्स कम्पनीले सबैभन्दा बढी बीमा शुल्क संकलन गरेको छ । कम्पनीले यस पहिलो चौमास अवधिसम्ममा एक अर्ब ३८ करोड ४५ लाख ६२ हजार रुपैयाँ बीमा शुल्क आर्जन गर्न सफल भएको हो ।

त्यसैगरी दोस्रोमा सगरमाथा इन्स्योरेन्सले एक अर्ब २० करोड १६ लाख ७६ हजार रुपैयाँँ बीमा शुल्क आर्जन गरेको छ ।

तेस्रो स्थानमा नेको इन्स्योरेन्सले एक अर्ब पाँच करोड ५८ लाख १४ हजार रुपैयाँ संकलन गरेको छ ।

त्यसैगरी क्रमशः सिद्धाथ इन्स्योरेन्सले ९० करोड १० लाख ८३ हजार, एनएलजी इन्स्योरेन्स कम्पनीले ८३ करोड ३५ लाख २५ हजार,, प्रिमियर इन्स्योरेन्स कम्पनीले ७७ करोड ७८ लाख ७० हजार, हिमालयन जनरल इन्स्योरेन्स कम्पनीले ५८ करोड ८९ लाख ९० हजार, युनाईटेड इन्स्योरेन्स कम्पनीले ५८ करोड ७६ लाख १४ हजार, आईएमई जनरल इन्स्योरेन्स कम्पनीले ५२ करोड ९ लाख ९ हजार, प्रभु इन्स्योरेन्स कम्पनीले ५१ करोड ४३ लाख, अजोड इन्स्योरेन्स कम्पनीले ५१ करोड ४१ लाख, राष्ट्रिय इन्स्योरेन्स कम्पनीले ४८ करोड ६८ लाख , दि ओरियन्टल इन्स्योरेन्स कम्पनीले ४७ करोड, लुम्बिनी जनरल इन्स्योरेन्स कम्पनीले ४७ करोड, नेपाल इन्स्योरेन्स कम्पनीले ४६ करोड, प्रुडेन्सियल इन्स्योरेन्स कम्पनीले ४३ करोड, एभरेष्ट इन्स्योरेन्स कम्पनीले ४२ करोड, नेशनल इन्स्योरेन्स कम्पनीले ३३ करोड, जनरल इन्स्योरेन्स कम्पनीले ३२ करोड र सानिमा जनरल इन्स्योरेन्स कम्पनीले २८ करोड रुपैयाँ कूल बीमा शुल्क संकलन गरेका छन् ।