गुराँस लाइफका सीईओ भट्टराईको राजीनामा स्वीकृत
वि.सं.२०७८ असोज २२ शुक्रवार
काठमाडौँ । गुराँस लाइफ इन्स्योरेन्सका प्रमुख कार्यकारी अधिकृत (सीईओ) को राजीनामा स्वीकृत भएको छ ।
असोज २१ गते बिहीबार बसेको सञ्चालक समितिको १७५ औं बैठकले कम्पनीका सीईओ नारायण कुमार भट्टराईले दिएको राजीनामा स्वीकृत गरेको हो ।
भट्टराईले असोज १९ गते आफ्नो व्यक्तिगत कारण देखाइ पदबाट राजीनामा दिएका थिए ।
कात्तिक १ गतेदेखि लागू हुने गरी भट्टराईको राजीनामा स्वीकृत भएको हो । यस्तै, कम्पनी सञ्चालक समितिको सोही बैठकले कम्पनीका सञ्चालक (प्रतिनिध सनराइज बैंक) अपछ कुमार यादबले दिएको राजीनामा समेत स्वीकृत गरेको छ ।
साथै सोही बैठकले संस्थापक शेयरधनीको तर्फबाट रित्त रहेको संचालक पदमा विक्रम कुमार तोदीलाई नियुक्ति गरेको कम्पनी सचिव पूरीले बताए ।
२०७८ असोज २२ गते प्रकाशित
प्रकाशित समय : ११:५७ बजे
