सुनको मूल्यमा समान्य गिरावट, कतिमा हुँदै छ कारोबार
वि.सं.२०७८ असोज १४ बिहीवार
काठमाडौँ । आज नेपाली बजारमा सुनको मूल्यमा गिरावट आएको छ । बुधबार आज नेपाली बजारमा सुन प्रतितोला २ सय रुपैयाँले घटेको हो । अघिल्लो दिन सय रुपैयाँले घटेको सुन आज पुन दुई सयले घटेको हो । यस्तै चाँदीको भाउ पनि तोलामा ३५ रुपैयाँले घटेको छ ।
नेपाल सुनचाँदी व्यवसायी महासंघका अनुसार बुधबारको तुलनामा छापावाला सुनको भाउ प्रतितोला २०० रुपैयाँ घटेर तोलाको ८८ हजार ७०० रुपैयाँ, तेजावी सुनको भाउ ८८ हजार २५० रुपैयाँ कायम गरिएको छ ।
अन्तर्राष्ट्रिय बजारमा हुने सुन चाँदी कारोबार मूल्यका आधारमा नेपालमा महासङ्घले सुन तथा चाँदीको मूल्य तोक्ने गर्दछ । अन्तर्राष्ट्रिय बजारमा यतिखेर सुन प्रतिऔँस एक हजार ७३२ दशमलव ७२ अमेरिकी डलरमा कारोबार भइरहेको छ ।
यस्तै बिहीबार चाँदीको भाउ १ हजार १२० रुपैयाँ तोकिएको छ । बुधबार १ हजार १५५ रुपैयाँमा कारोबार भएको चाँदी बिहीबार तोलामा ३५ रुपैयाँले घटेको हो ।
महासंघका अनुसार बुधबार छापावाला सुन प्रतितोला ८८ हजार ९०० रुपैयाँ, तेजावी सुनको भाउ ८८ हजार ४५० रुपैयाँ र चाँदीको भाउ १ हजार १५५ रुपैयाँ कायम गरिएको थियो ।
२०७८ असोज १४ गते प्रकाशित
प्रकाशित समय : १३:११ बजे
