सिभिल लघुवित्तले लगानीकर्तालाई २० प्रतिशत लाभांश दिने
वि.सं.२०७८ असोज १४ बिहीवार
काठमाडौँ । सिभिल लघुवित्त वित्तीय संस्थाले चालु आर्थिक वर्षका लागि लाभांश घोषणा गरेको छ । लघुवित्तको सञ्चालक समितिको असोज १३ गते बसेको बैठकले २० प्रतिशत लाभांश वितरण गर्ने प्रस्ताव गरेको हो।
कम्पनीले हाल कायम चुक्ता पूँजीको १९ प्रतिशत बोनस शेयर र सोको कर प्रयोजनार्थ १ प्रतिशत नगद लाभांश गरी कुल २० प्रतिशत लाभांश वितरण गर्ने घोषणा गरेको छ ।
कम्पनीद्धारा प्रस्तावित लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात शेयरधनीलाई वितरण हुनेछ ।
हाल लघुवित्तको चुक्ता पूँजी २४ करोड २१ लाख २१ हजार ३७९ रुपैयाँ ५० पैसा रहेको छ। १९ प्रतिशतका दरले ४ करोड ६० लाख ३ हजार ६२ रुपैयाँ १० पैसा बराबरको बोनस शेयर वितरणपश्चात लघुवित्तको चुक्ता पूँजी २८ करोड ८१ लाख २४ हजार ४४१ रुपैयाँ ६० पैसा पुग्नेछ।
२०७८ असोज १४ गते प्रकाशित
प्रकाशित समय : ११:०३ बजे
