काठमाडौँ । रिज लाइन इनर्जीले आइपीओ निष्कासन गर्ने तयारी गरेको छ । कम्पनीले आइपीओ निष्काशनका लागि बिक्रि प्रबन्धकमा प्रभु क्यापिटललाई नियुक्त समेत गरिसकेको हो ।

क्यापिटल नियुक्ति सम्बन्धी सम्झौतामा रिज लाइन इनर्जीका तर्फबाट वसन्त गिरी तथा प्रभु क्यापिटल लिमिटेडका तर्फबाट प्रबन्ध निर्देशक दिनेश थकालीले हस्ताक्षर गरेका छन् ।

कम्पनीले गोरखा जिल्लाको अजिरकोट २ मा अवस्थित चेपे नदीमा ९.०५ मेगावाट क्षमताको सुपर चेपे हाइड्रोपावर आयोजना निर्माण गरिरहेको छ । कम्पनीले अधिकृत तथा जारी पुँजी ६९ करोड ४२ लाख ९० हजार को ३० प्रतिशतले हुन आउने २० करोड ८२ लाख ८७ हजार रुपैयाँ बराबरको २० लाख ८२ हजार ८ सय ७० कित्ता सेयर सर्वसाधारणमा बिक्री गर्न लागेको हो ।

२०७८ असोज १२ गते प्रकाशित