काठमाडौं । विद्युतीय सवारीसाधन निर्माता कम्पनी बिवाइडीले ललितपुरमा नयाँ सोरुम सञ्चालनमा ल्याएको छ ।

सोरुम उद्घाटन ललितपुर महानगरपालिकाका प्रमुख चिरिबाबु महर्जनले गरेका हुन् । ललितपुरका लागि आधिकारिक वितरक इकोड्राइभ अटोमोबाइल प्रालिले सोरुम सञ्चालनमा ल्याएको हो । 

नयाँ सोरुम सञ्चालनमा आएँसगै बिवाइडीको विस्तार रणनीतिमा कोसेढुंगाको काम गरेको र विद्युतीय सवारीसाधन प्रविधिमा भएकोनवीनतम प्रगति र दिगो यातायातका लागि आफ्नो बलियो प्रतिबद्धतालाई प्रमाणित गरेको कम्पनीले जनाएको छ । 

सोरुमले खरिदकर्ता र ग्राहकलाई ‘वान स्टप सोलुसन’ प्रदान गर्ने बताइएको छ, जहाँ एक्सचेन्ज, फाइनान्सिङका साथै फास्ट चार्जिङस्टेसनसमेत उपलब्ध हुनेछ ।

अत्याधुनिक सोरुममा नेपालकै पहिलो स्पोर्टी इलेक्ट्रिक एसयुभी बिवाइडी एट्टो ३ र भर्सटाइल बिवाइडी डल्फिनलगायतका विभिन्नअत्याधुनिक इलेक्ट्रिक सवारीसाधन हुनेछन् र ग्राहकले त्यहाँ ती सवारीसाधनमार्फत अद्वितीय अनुभव प्राप्त गर्न सक्ने कम्पनीलेजनाएको छ । 

यो नयाँ सोरुमसहित बिवाइडीका नेपालभर १२ सोरुम, नौ सर्भिस सेन्टर र १५ चार्जिङ प्वाइन्ट पुगेका छन् ।