काठमाडौं– रिलायन्स फाइनान्स लिमिटेडले चालू आर्थिक वर्षको तेस्रो त्रैमाससम्म ८ करोड ६८ लाख ३४ हजार खुद नाफा गरेको छ । गत वर्ष समिक्षा अवधिसम्म कम्पनीको यो नाफा ६ करोड ३२ लाख ४१ हजार थियो । गत वर्षभन्दा यस वर्ष कम्पनीको खुद नाफा ३७ दशमलव ३१ प्रतिशत बढी भएको हो । यस वर्ष कम्पनीको सञ्चालन मुनाफा पनि सोही अनुपातमा वृद्धि भएको छ ।

गत वर्ष ९ करोड ३ लाख ४४ हजार रहेको सञ्चालन मुनाफा यस वर्षको सोही अवधिमा १२ करोड ४० लाख ४९ हजार रहेको छ । तेस्रो त्रैमाससम्म कम्पनीको वितरणयोग्य नाफा भने १० करोड ७९ लाख ३० हजार रहेको छ ।

गत वर्ष यस अवधिसम्म कम्पनीको वितरण योग्य नाफा  ९६ लाख ५२ हजार थियो । गत वर्षभन्दा यस वर्ष कम्पनीको वितरणयोग्य मुनाफा १० गुणाले वृद्धि भएको हो ।

गत वर्षको तुलनामा यस वर्ष कम्पनीको चुक्तापूँजी स्थिर रहि ८३ करोड २४ लाख १६ हजार नै कायम छ । जगेडा कोष रकम भने ९४ दशमलव ११ प्रतिशत बढेर २४ करोड ४६ लाख ८२ हजार पुगेको छ ।

यस वर्ष कम्पनीको निक्षेप संकलन १८ दशमलव ४५ प्रतिशत बढेको छ भने कर्जा प्रवाह १६ दशमलव ३९ प्रतिशत बढी भएको छ । कम्पनीले ५ अर्ब ७७ करोड ७६ लाख १५ हजार निक्षेप संकलन गरेको हो भने ४ अर्ब १९ करोड २८ लाख ७१ हजार कर्जा प्रवाह गरेको हो । गत वर्ष २ दशमलव ६३ प्रतिशत रहेको कम्पनीको निष्क्रिय कर्जा अनुपात यस वर्ष १ दशमलव ८८ प्रतिशतमा झरेको छ । तेस्रो त्रैमाससम्म कम्पनीको प्रतिशेयर आम्दानी १३ दशमलव ९१ र प्रतिशेयर नेटवर्थ १५५ दशमलव ३२ रहेको छ ।

कर्जा लगानी बढेपनि फाइनान्सको निष्क्रिय कर्जा भने घटेको छ । गत आर्थिक वर्षको चैत मसान्तको तुलनामा चालू आर्थिक वर्षको सोही अवधिसम्ममा फाइनान्सको निष्क्रिय कर्जा शून्य दशमलव ७५ प्रतिशतविन्दु घटेर १ दशमलव ८८ प्रतिशतमा सीमित भएको छ ।