काठमाडौं। कुनै पनि समस्या समाधानका लागि राम्रो सँग बसेर छलफल गरेर निष्कर्ष निकाल्दा पनि हुन्छ । यसको बारेमा मैले भनिरहनुपर्दैन यहाँ सहकारी क्षेत्रमा आबद्ध हुने विशिष्ट व्यक्तिहरु पनि छन् । पत्रकार मित्रहरु पनि छन । तपाईहरु आफैलाई थाहा छ किन यस्तो हुन्छ ।

तपाईहरुले निकालेको निष्कर्षलाई एक हप्ताभित्र कार्यान्वयन गर्छु भनौला, महिना दिनभित्र गर्छु भनुला तर भएन भने के हुन्छ । भएन भने फेरि यस्तो फोरम बनाएर छलफल हुन्छ ? त्यो एउटा पाटो हो । तर म तपाईहरुलाई एउटा कुरा विश्वास दिलाउन चाहान्छु । आज यस गोष्ठीबाट निकालेको निष्कर्ष लिपिबद्ध बनाउनुहोस् । त्यो लिपिबद्ध निष्कर्षलाई म समक्ष लिएर आउनुस् । यदि त्यसलाई मैले कार्यान्वयन गर्न सकिन भने तपाईहरुले प्रश्नचिन्ह उठाउन सक्नुहुन्छ ।

सहकारीहरु खत्तम छन भन्ने कुरा गलत हो । केहीले गल्ती गरेका होलान् । तिनलाई कारबाही गर्नु प¥यो । केही लोभले गर्दा सहकारीमा अहिलेको अवस्था आएको हो । यस्ता कार्यहरुलाई रोक्नका लागि गलत गर्नेहरुलाई कारबाहीको दायरामा ल्याउनु पर्छ ।

समस्या समाधानका लागि कार्यदल बन्ने काम मात्र हुने गरेको छ । तर कार्यदलले दिएको सुझावलाई कार्यान्वयन गर्नु पर्छ । गाउँका सहकारीले आर्थिक परिचालनका लागि राम्रो काम गरेका छन् । तिनीहरूलाई हामीले प्रोत्साहन गर्नुपर्छ । समस्या छन् भने समाधानका लागि पहल गर्नु पर्छ ।

म त्यसलाई सतप्रतिशत गर्छु त्यसमा कुनै दुविधा नै छैन् । तर म अरु जस्तो दायाबायाँ हावा ढङ्गले बोल्ने मान्छे होईन् म जे बोल्छु त्यो मात्र गर्छु । गोष्ठीमा मात्रै बस्ने गरेर हुँदैन यसबाट आएका निष्कर्षहरुलाई कार्यान्वयन गर्ने गर्ने तर्फ ध्यान दिनु पर्छ ।

तपाईहरुको निष्कर्षलाई लिपिबद्ध गरेर ल्याउनुस म त्यसलाई कार्यान्वयन गर्छु तर तपाईहरुले लिएर चाहि आउनुपर्छ । सबै मान्छेले भन्छन की देशको अर्थतन्त्र समाप्त भयो । देशको अर्थतन्त्र सार्वभौम भएन् । देश बङ्गला देश तिर जाने होकी, श्रीलंका तिर पो जान्छ की, कोहि चीनतिर जानेहोकी भन्छन् । चीनतीर गएत राम्रो हो । चिनको अर्थतन्त्र ठूलो र राम्रो रहेको छ । श्रीलंका तिर गयो भने चाँही अलि समस्या हुन्छ । तर मलाइ लाग्छ, हामी सबै मिलेर यो देश बनाउनुपर्ने हो ।

देशलाई श्रीलंकासँग, चीनसँग दाँजेर हुदैन् सबै मिलेर देश विकासमा खट्यौ भने देश बन्छ । दुनियाँको इतिहासमा पत्रकार मित्रहरुलाई थाहा छ, सहकारी अभियान्ताहरुलाई पनि थाहा छ । हरेक काम गर्नको लागी सबैभन्दा पहिला सोसाइटी (समाज) जाग्नुपर्छ । त्यो वातावरण बनाउनको लागी अहिलेको सरकारले सहयोग गर्छ ।

सहकारीका अभियान्ताहरुले पनि साथ दिनुपर्याे । थुप्रै समितीका अध्यक्ष सदस्यहरुले पनि भाषण गर्नुभको छ । तर खै समाधानका विषयमा गम्भिर कुरा छ यसको समाधानको लागी म तपाईहरुलाई अपिल गर्न चाहान्छु । आग्रह गर्न चाहान्छु । तपाईहरु छलफल गर्नुस यहाँबाट आएको निचोडलाई म एक, दुई, तीन कार्यान्वयन गर्छु । यस बिषयमा म तपाईहरुलाई विश्वास दिलाउन चाहान्छु । साथै यसको समाधानको लागी प्रतिबद्धता जनाउँछु ।

(तत्कालिन भूमि व्यवस्था, सहकारी तथा गरिबी निवारण मन्त्री राईले आर्थिक मिडिया सञ्चालक संघ (इमान) ले आयोजना गरेको सहकारीमा संकट : कारण र समाधान विषयक अन्तरक्रिया कार्यक्रममा राखेको मन्तव्यको सम्पादित अंश)

कर्पाेरेट बजार

प्रकाशित समय : ११:१८ बजे