काठमाडौँ । यो साताको सुरुको कारोबार दिनदेखि नै ओरालो लागेको सेयरबजारमा आजपनि गिरावट आएको छ । आज सेयर बजार मापन गर्ने नेपाल स्टक एक्सचेन्ज (नेप्से)ले सुचक ३२ दशमलव ४१ अंकले घटेर २ हजार ६ सय ३२ दशमलव २० विन्दूमा झरेको छ ।

कारोबारमा आएका २ सय १४ कम्पनीको १ करोड ३७ लाख ८७ हजार २ सय १८ कित्ता किनबेच हुँदा ५ अर्ब ७७ करोड २२ लाख ५१ हजार २ सय २ रुपैयाँ बराबरको करोबार भएको छ ।

नेप्सेमा गिरावट आउँदापनि सकरात्मक सर्किट हान्ने कम्पनीः
नेप्सेमा रातो छाउँदापनि केही कम्पनीका लागनीकर्ताले भने पोर्टफोलियो बढाएका छन् । यो दिन ज्योति लाईफ इन्स्योरेन्स, महिला लघुवित्त वित्तिय संस्था, ग्रीन डेभलपमेन्ट बैंक र हिमाल दोलखा हाइड्रोपावर लगायतका कम्पनीले आज सकरात्क सर्किट लगाएका हुन।

सर्किट पछि धेरै कमाउने कम्पनीः

युनियन हाईड्रोपावर, जनउत्थान सामुदायीक लघुवित्त, अपि पावर कम्पनी, चन्द्रगिरी हिल्स, युनाईटेड मोदी हाईड्रोपावर लगायत र लक्ष्मी लघुवित्त वित्तिय संस्थाले भने आजको दिनमा पनि केही कमाई गरेका हुन ।

सर्वाधिक कारोबार गर्ने कम्पनीः

नेप्सेको लगातार ओरालो यात्रामा पनि नेपाल ईन्फ्रास्टक्चर कम्पनीले सर्वाधिक रुपैयाँको कारोबार गरेको छ । आज यो कम्पनीले २५ करोड ४५ लाख ९८ हजार ६ सय ३९ रुपैयाँ बराबरको कारोबार गरेको हो । त्यस्तै दोस्रोमा हिमाल दोलखा हाईड्रोपावरले २२ करोड ६ लाख २४ हजार ७ सय तीन रुपैयाँ बराबरको कारोबार गरेको छ भने तेस्रोमा नागरीक लगानीकोषले अधिपत्य जमाएको छ । सिआईटीले आज १८ करोड ३७ लाख ६१ हजार ५ सय २८ रुपैयाँ बराबरको कारोबार गरेको हो ।

सार्वधिक गुमाउने कम्पनीः

यो दिनमा लिर्वर्टी इनर्जी कम्पनी र हिमालयन पावर पार्टनरको सेयर मूल्यमा १८ अंकको गिरावट आएको छ । भने नारायणी डेभलपमेण्ट बैंकको सेयर मूल्यमा २२ अंकको गिरावट आएको छ ।