काठमाडौँ । आदर्श लघुवित्त वित्तीय संस्था लिमिटेडले साधारण सेयर (आईपीओ) निष्कासन गर्ने प्रस्तावसहित तेश्रो वार्षिक साधारण सभा आह्वान गरेको छ।
संस्थाको असार ८ गते, मंगलबार बसेको सञ्चालक समितिको बैठकले गरेको असार ३१ गते सभा आह्वान गरेको हो । कम्पनीका अनुसार सभा बिहीबार संस्थाको केन्द्रिय कार्यालय, बनेपा, काभ्रेपलाञ्चोकमा बिहान ११ बजेबाट सुरू हुनेछ ।

सभामा आईपीओ निष्कासन गर्ने विशेष प्रस्ताव पारित गरिनेछ । संस्थाले हालको जारी पुँजीको ३० प्रतिशतले हुन आउने रकमको सर्वसाधारणलाई सेयर निष्कासन गर्ने प्रस्ताव गरेको हो ।

यसका साथै, सभामा संस्थाको सञ्चालक समितिको तर्फबाट अध्यक्षद्वारा आर्थिक वर्ष २०७६–७७ को वार्षिक प्रतिवेदनबारे छलफल गरी पारित गर्ने, आर्थिक वर्ष २०७६–७७ को लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गर्ने, आर्थिक वर्ष २०७७–७८ को लागि लेखापरीक्षक नियुक्ती गरी पारिश्रमिक निर्धारण गर्ने लगायतका एजेन्डाहरू सभामा छलफल गरी पारित गरिनेछ ।

२०७८ असार ९ गते प्रकाशित