काठमाडौं । काठमाडौं उपत्यका ट्राफिक प्रहरी कार्यालय रामशाहपथ काठमाडौंले स्थायी घर मकवानपुर भएका काठमाडौंको तारकेश्वर नगरपालिका वडा नम्बर ११ मा बस्ने नारायण सापकोटालाई सम्मान गरेको छ ।

बुधबार आफ्नै कार्यालय बग्गीखानामा आयोजित एक कार्यक्रममा काठमाडौं उपत्यका ट्राफिक प्रहरी कार्यालय बग्गीखानाले जेन्जी आंदोलनमा क्षेति भएको मध्य सबै भन्दा पहिला काठमाडौं उपत्यका भित्र पुननिर्माण गरेकोमा सापकोटालाई सम्मान गरेको हो ।

कार्यालयले ट्राफिक प्रहरी प्रभाग नेपालटार काठमाडौंको भवन निर्माणमा योगदान गरेबापत सापकोटालाई सम्मान गरिएको जनाएको छ ।

गत भदौ २३ र २४ गते भएको जेनजी आन्दोलनका क्रममा नेपालटारको ट्राफिक कार्यालय जलेको थियो। सापकोटा लामो समयदेखि सामाजिक क्षेत्रमा सक्रिय रहँदै आएका छन् ।

सापकोटालाई प्रदान गरिएको प्रशंसापत्रमा प्रहरी उपरीक्षक नरेशराज सुवेदी, प्रहरी वरिष्ठ उपरीक्षक नवराज अधिकारी र प्रहरी अतिरिक्त महानिरीक्षक इश्वर कार्कीले हस्ताक्षर गरेका छन् । जेनजी आन्दोलनका क्रममा काठमाडौंसहित देशैभरका धेरैजसो प्रहरी कार्यालयमा आगजनी र तोडफोड भएको थियो । ध्वस्त भएको संरचनाको पुनर्निमाणका लागि स्थानीयले योगदान गरेका थिए।