काठमाडौं । नेपनल धितोपत्र बोर्ड (सेवोन) मा विभिन्न ३ कम्पनीको कारोबार रोक्का गर्न माग गर्दै निवेदन परेको छ । विभिन्न ३ कम्पनी खानीखोला हाइड्रो पावर कम्पनी, जोशी हाइड्रो पावर र हिमाल दोलखा पावर कम्पनीले वित्तीय विवरण सार्वजनिक नगरेको हुनाले कारोबार रोक्का गर्न माग गर्दै बोर्ड निवेदन परेको हो ।

वित्तीय विवरण प्रकाशित नगरेपछि लगानीकर्ताहरु अन्यौलमा पर्ने भन्दै लगानीकर्ता केशब कोइरालाले खानीखोला हाइड्रो पावर कम्पनी, जोशी हाइड्रो पावर र हिमाल दोलखा पावर कम्पनीको शेयर कारोबार रोक्का गर्न माग गर्दै मंगलबार बोर्डमा निवेदन दिएका हुन् ।
यी कम्पनीहरुले दोस्रो बजारमा वित्तीय विवरण नै सार्वजनिक नगरि लगानीकर्तालाई कारोबारमा अन्यौल पारेको भन्दै निवेदन दिएका हुन् । खानीखोलाले ०७६ पुस यता कुनै विवरण प्रकाशन नगरेको, जोशी र हिमाल दोलखाले पनि आम लगानीकर्ताले हेर्न पाउनेगरी कुनै विवरण निष्काशन नगरेको आरोप लगाएको छ ।

खानीखोलाको २०७६ साल पौष मसान्तसम्मको वित्तीय विवरण अनुसार नेटवर्थ ७ रुपैयाँ नकारात्मक रहेको र लगातारको घाटाले कम्पनीको नेटवर्थ ५० रुपैयाँभन्दा बढी नकारात्मक भएको हुनसक्ने र कम्पनीको सेयर महँगो मूल्यमा कारोबार भएको हुँदा लगानीकर्ता डुब्ने खतरा भएकाले सूचीकरण खारेजी गर्न माग गर्दै निवेदन दिएका हुन् ।

२०७८ जेठ १९ गते प्रकाशित