चिलिमे जलविद्युतले लाभांश घोषणा गर्यो
वि.सं.२०८१ पुस २ मंगलवार
काठमाडौं । चिलिमे जलविद्युत कम्पनीले लाभांश घोषणा गरेको छ ।
सोमबार बसेको कम्पनीको सञ्चालक समितिको बैठकले गत आर्थिक वर्षका लागि १२ प्रतिशत लाभांश वितरण गर्ने निर्णय गरेको हो । कम्पनीले लाभांश पारित गर्न पुस २८ गते वार्षिक साधारणसभा बोलाएको छ ।
कम्पनीको १० प्रतिशत बोनस शेयर र २ प्रतिशत नगद लाभांश (कर सहित) दिने निर्णय गरेको जनाएको छ । कम्पनीको आगामी वार्षिक साधारण सभाले अनुमोदन गरेपछि लगानीकर्तालाई लाभांश वितरण हुनेछ ।
प्रकाशित समय : १०:३९ बजे
