हिमालयन बैंकको बनेपा शाखा स्थानान्तरण
वि.सं.२०८१ साउन १४ सोमवार
काठमाडौं । हिमालयन बैंक लिमिटेडले बनेपा शाखा–२ लाई स्थानान्तरण गरेको छ ।
साविक स्थानबाट करीब ६.२ कि.मि. दक्षिणतर्फ पनौती बसपार्क, पनौती नगरपालिका वडा नं ७, काभ्रेमा स्थानान्तरण गरिएको हो ।
सिभिल बैंकलाई प्राप्ति गरे पश्चात् नजिक भएका शाखा सञ्जालहरु स्थानान्तरण गर्दै आएको छ। बनेपाको शाखा स्थानान्तरण आज अर्थात् श्रावण १३ गते देखि सो स्थानमा एउटा नयाँ शाखाका रुपमा पनौती शाखाको नामबाट सम्पूर्ण बैंकिङ्ग सेवा प्रदान गरी संचालनमा ल्याएको हो ।
उक्त शाखाको शुभारम्भ बैंकका प्रमुख कार्यकारी अधिकृत अशोक शम्सेर राणाले गरेका हुन् । कार्यक्रममा बैंकका नायव प्रमुख कार्यकारी अधिकृत अनुप मास्के, बैंकका उच्चपदस्थ कर्मचारीहरु तथा अन्य अतिथिहरुको उपिस्थति रहेको थियो ।
हाल बैंकले नेपाल भरी फैलिएका १७४ शाखा कार्यालयहरु, २० विस्तारित काउन्टर, २६४ एटीएम ६,५०० भन्दा बढी पिओएस टर्मिनल र १७ हजार बढी विप्रेषण भुक्तानी केन्द्रहरुबाट आफ्ना ग्राहकहरुलाई विभिन्न बैंकिङ्ग सेवा प्रदान गर्दै आएको छ ।
प्रकाशित समय : १०:४४ बजे
