काठमाडौं । लाइफ इन्स्योरेन्स कर्पोरेशन नेपालले चालु आर्थिक वर्षको तेस्रो त्रैमाससमा ४२.८५ प्रतिशतले नाफा बढाएको छ । गत आर्थिक वर्षको सोहि अवधिमा १० करोड ७६ लाख रुपैयाँ नाफा कमाएकोमा चालु आर्थिक वर्षको चैतसम्ममा कम्पनीले १५ करोड ३७ लाख रुपयाँ खुद नाफा कमाएको हो ।

कम्पनिले सार्वजनिक गरेको चालु आर्थिक वर्षको चैत मसान्त्सम्मको वित्तिय विवरण अनुसार कम्पनिको नाफासंगै खुद बीमा शुल्क आर्जन पनि बढेको छ । कम्पनीले तेस्रो त्रैमाससम्ममा १३ अर्ब ५९ करोड रुपैयाँ खुद बीमा शुल्क आर्जन गरेको छ । यो गत वर्षको तुलनामा ३१.८० प्रतिशतले बढेको हो । गत वर्षको यहि अवधिमा कम्पनिले १० अर्ब ३१ करोड रुपैयाँ खुद बीमा शुल्क आर्जन गरेको थियो ।
कम्पनीको चुक्ता पूँजी १० प्रतिशतले बढेर २ अर्ब २१ करोड रुपैयाँ चुक्ता पूँजी पुगेको छ । हाल जगेडा कोषमा ६१ करोड १४ लाख रुपैयाँ जम्मा भएको छ । त्यस्तैगरी कम्पनिको प्रति शेयर आम्दानी पनि २ रुपैयाँले बढेको छ ।

कर्पाेरेट बजार

प्रकाशित समय : ०५:२२ बजे