काठमाडौं । नेपाल लाइफ इन्स्योरेन्स कम्पनी चालु आर्थिक वर्षको तेस्रो त्रैमासमा खुद खुद नाफा ८.३६ प्रतिशतले बढाउन सफल भएको छ । कम्पनीले चैत मसान्तसम्म ५० करोड ६६ लाख ६८ हजार रुपैयाँ आर्जन गरेको हो । गत वर्षको सोहि अवधिमा कम्पनीले खुद नाफा ४६ करोड ७५ लाख ७६ हजार रुपैयाँ खुद मुनाफा आर्जन गरेको थियो ।

समिक्षा अवधिमा कम्पनीको खुद बीमा शुल्क आर्जन पनि राम्रो देखिएको छ । कम्पनीको खुद विमा शुल्क ३५.४९ प्रतिशतले बढेर २४ अर्ब ९५ करोड ६० लाख ६३ हजार रुपैयाँ पुगेको छ । गत आर्थिक बर्षको सोहि अवधिमा कम्पनीले खुद बीमा शुल्क १८ अर्ब ४१ करोड ८७ लाख ७८ हजार रुपैयाँ आर्जन गरेको थियो ।
त्यस्तै, यस अवधिमा कम्पनीको चुक्ता पूँजी ३१ प्रतिशतले बढेर ७ अर्ब १९ करोड ९९ लाख ७० हजार रुपैयाँ रहेको छ । गत आर्थिक बर्षको सोहि अवधिमा कम्पनीको चुक्ता पूँजी ५ अर्ब ४९ करोड ६१ लाख ६० हजार रुपैयाँ रहेको थियो । त्यस्तै, यस अवधिमा कम्नीको जगेडा कोष ५८.८८ प्रतिशतले ऋणात्मक रहेर १ अर्ब १२ करोड ३४ लाख ३६ हजार रुपैयाँ रहेको छ । गत आर्थिक बर्षको सोहि अवधिमा कम्पनीको जगेडा कोष २ अर्ब ७३ करोड २१ लाख ७३ हजार रुपैयाँ रहेको थियो ।
त्यस्तै, यस अवधिमा कम्पनीको जीवन बीमा कोष ३२.२५ प्रतिशतले बढेर १ खर्ब ७ अर्ब ६१ करोड ७७ लाख २४ हजार रुपैयाँ रहेको छ । गत आर्थिक बर्षको सोहि अवधिमा कम्पनीको जीवन बीमा कोष ८१ अर्ब ३७ करोड ६६ लाख ६६ हजार रुपैयाँ रहेको थियो ।
यस अवधिमा कम्पनको दिर्घकालिन क्षेत्रमा लगानी १६.१७ प्रतिशतले बढेर ५० अर्ब ३३ करोड १ लाख ८८ हजार रुपैयाँ रहेको छ । कम्पनीको कर्जा लगानी आम्दानी ३३।४० प्रतिशतले बढेर ५ अर्ब ४८ करोड ८ लाख ५९ हजार रुपैयाँ आर्जन गरेको छ ।

कम्पनीको प्रतिशेयर आम्दानी गत आर्थिक बर्षको यस अवधिमा ११ रुपैयाँ ३४ पैसा रहेकोमा यस बर्ष भने घटेर ९ रुपैयाँ ३८ पैसा रहेको छ । कम्पनीको यस अवधिमा खुद दाबी भुक्तानी ४०.५२ प्रतिशतले बढेर ७ अर्ब २९ करोड ७४ लाख ७४ हजार रुपैयाँ गरेको छ । गत आर्थिक बर्षको सोहि अवधिमा ५ अर्ब १९ करोड ३० लाख ५८ हजार रुपैयाँ खुद दाबी भुक्तानी गरेको छ ।

कर्पाेरेट बजार

प्रकाशित समय : ०५:११ बजे