आज बहराइनका राजकुमारको टोलीद्धारा सगरमाथाको आरोहण
वि.सं.२०७८ वैशाख २८ मंगलवार
काठमाडौँ । बहराइनका राजकुमार मोहम्मद हमाद मोहम्मद अलखलिफा नेतृत्वको टोली मंगलबार बिहान सगरमाथाको शिखरमा पुगेको छ। उक्त टोली मंगलबार बिहान ५ः३० बजेदेखि ६ः४० बजेसम्म विश्वको सर्वोच्च शिखर सगरमाथाको चुचुरोमा पुगेको हो । पर्यटन विभाग, पर्वतारोहण शाखाका निर्देशक मीरा आचार्यका अनुसार खलिफा नेतृत्वको १६ सदस्यीय टोली आरोहणका लागि हिँडे पनि चार जना बिरामी परेर माथि जान सकेका थिएनन्। बाँकी १२ जनामध्ये पनि कतिजना चुचुरोमा पुगे भनेर यकीन विवरण आइसकेको छैन।
गत वर्ष मात्र खालिफाले लबुचे पिक र मनास्लु हिमालको सफल आरोहण सम्पन्न गरेका थिए। २०७८ वैशाख २८ गते प्रकाशित ।
प्रकाशित समय : ०३:३५ बजे
