एनआरएन इन्फ्रास्टक्चरको बोनस शेयर सूचीकृत
वि.सं.२०७८ वैशाख २१ मंगलवार
काठमाडौँ । एनआरएन इन्फ्रास्टक्चरको एण्ड डेभलपमेन्ट लिमिटेडको बोनस शेयर नेपाल स्टक एक्सचेञ्ज (नेप्से) मा सूचीकृत भएको छ । कम्पनीले गत आर्थीक वर्षको मुनाफाबाट वितरण गरेको चुुक्ता पूँजीको २.८५ प्रतिशत बराबरको ३ लाख २२ हजार ८१४ कित्ता बोनस शेयर मंगलबार सूचीकृत भएको हो ।
सूचीकृत भएसँगै उक्त बोनस शेयर धितोपत्र दोस्रो बजारमा कारोबार गर्न मिल्नेछ । उक्त शेयर साधारण सभाका लागि बुकक्लोज मितिसम्म कायम रहेका शेयरधनीले बोनस शेयर खातामा प्राप्त भएपछि खरीद बिक्री गर्न सक्नेछन् ।
कम्पनीले साधारण सभा र लाभांश वितरण प्रयोजनका लागि गत माघ १२ गते बुकक्लोज मिति तोकेको थियो । यसअनुसार माघ ११ गते आइतबारसम्म नेप्सेमा शेयर कारोबार भई कायम रहेका शेयरधनीले मात्र कम्पनीको बोनस पाउनेछन् ।
प्रकाशित समय : ०९:२४ बजे
